ବଲାଙ୍ଗୀର: ବଲାଙ୍ଗୀର ଚନ୍ଦ୍ରଶେଖର ନଗରସ୍ଥିତ ଏକ ସରକାରୀ କୋଠରୀରୁ ବୃଦ୍ଧା ଦମ୍ପତିଙ୍କ ମୃତଦେହ ଉଦ୍ଧାର ଘଟଣା । ତେବେ ସ୍ବାମୀଙ୍କ ମୃତ୍ୟୁ ପରେ ଦୁଃଖରେ ଭାଙ୍ଗି ପଡି ସ୍ତ୍ରୀ ମଧ୍ୟ ଆତ୍ମହତ୍ୟା କରିଥିବାର ସନ୍ଦେହ କରାଯାଉଛି।
ବୃଦ୍ଧା ଦମ୍ପତ୍ତିଙ୍କ ମୃତଦେହ ଉଦ୍ଧାର ଘଟଣା; ସ୍ବାମୀଙ୍କ ମୃତ୍ୟୁ ପରେ ସ୍ତ୍ରୀଙ୍କ ଆତ୍ମହତ୍ୟା ସନ୍ଦେହ
ସୂଚନା ଅନୁସାରେ ବଲାଙ୍ଗୀର ପୁଡାପଲି ଗ୍ରାମର ବୃଦ୍ଧ ଦମ୍ପତି ବୃନ୍ଦାବନ ସାହୁ ଓ ତାଙ୍କ ସ୍ତ୍ରୀ ନିରାଶ ସାହୁ ନିଃସନ୍ତାନ ଥିବାବେଳେ ସେମାନେ ତାଙ୍କ ଭାଇର ଝିଅକୁ ପାଳି ନିଜ ଝିଅ ଭଳି ରଖିଥିଲେ। ହେଲେ ସେହି ଝିଅ ତାଙ୍କୁ ନିର୍ଯ୍ୟାତନା ଦେଇ ଘରୁ ତଡି ଦେବା ପରେ ଏହି ବୃଦ୍ଧ ଦମ୍ପତି ଅସହାୟ ଅବସ୍ଥାରେ ବଲାଙ୍ଗୀର ପଳାଇ ଆସିଥିଲେ। ଏଠି କିଛି ସହୃଦୟ ବ୍ୟକ୍ତି ତଥା ପ୍ରଶାସନ ତାଙ୍କର ଥଇଥାନ କରିଥିବାବେଳେ ଭତ୍ତା ଟଙ୍କା ଓ ପିଡ଼ିଏସ ଚାଉଳ ପାଇ ଏମାନେ ଚଳି ଆସୁଥିଲେ । ତେବେ ଗତ କିଛି ଦିନ ହେବ ବୃଦ୍ଧ ବୃନ୍ଦାବନ ସାହୁଙ୍କୁ ଜ୍ବର ହୋଇଥିଲା । ଆଜି ତାଙ୍କର ମୃତ୍ୟୁ ହୋଇଥିବାବେଳେ ତାଙ୍କ ସ୍ତ୍ରୀ ମଧ୍ୟ ଏହାପରେ ଆତ୍ମହତ୍ୟା କରିଥିବା ଅନୁମାନ କରାଯାଉଛି ।