ବଲାଙ୍ଗୀର: ଲକଡାଉନ ସ୍ଥିତିରେ ସମସ୍ତ ବ୍ୟବସାୟ ପ୍ରଭାବିତ ହୋଇଥିବା ବେଳେ ପର୍ଯ୍ୟାୟ କ୍ରମେ ଅନଲକ ପ୍ରକ୍ରିୟା ସହ ଖୋଲୁଛି ଗୋଟିଏ ଗୋଟିଏ ବ୍ୟବସାୟୀ । ହେଲେ କେବଳ ଚା’ ଦୋକାନଟିଏ କରି ପରିବାର ଚଲାଉଥିବା ବ୍ୟବସାୟୀଙ୍କ ନେଇ ଏଯାଏଁ ହୋଇନି କୌଣସି ଘୋଷଣା । ଯାହାକୁ ନେଇ ଚିନ୍ତିତ ଚା’ ବ୍ୟବସାୟୀ । ଏନେଇ ବୁଧବାର ଜିଲ୍ଲାର ସମସ୍ତ ଚା’ ଦୋକାନୀମାନେ ବଲାଙ୍ଗୀର ଟାଉନ ଥାନା ଘେରାଓ କରିଥିଲେ ।
ବ୍ୟବସାୟ ସ୍ବାଭାବିକ ନେଇ ଚା’ ବ୍ୟବସାୟୀଙ୍କ ଥାନା ଘେରାଉ
ଦୀର୍ଘ 5 ମାସ ହେବ ଜିଲ୍ଲାରେ କୋରୋନା ପାଇଁ ଚା’ ଦୋକାନ ବନ୍ଦ ଥିବା ବେଳେ ଏଥିରୁ ରୋଜଗାର କରି ନିଜ ପରିବାର ପୋଷଣ କରୁଥିବା ଚା’ ବ୍ୟବସାୟୀମାନେ ଏବେ ଅସହାୟ ହୋଇପଡିଛନ୍ତି । ତାଙ୍କ ଜୀବନ ଜୀବିକା ଠପ ହୋଇ ଯାଇଥିବା ବେଳେ ପରିବାର ଚଳାଇବା ଅସମ୍ଭବ ହୋଇ ପଡିଛି । ଏଥିଯୋଗୁଁ ବୁଧବାର ସହରର ସମସ୍ତ 350 ଚା’ ବ୍ୟବସାୟୀ ରାଜରାସ୍ତାକୁ ଓହ୍ଲାଇ ଥିଲେ ଏବଂ ଟାଉନ ଥାନା ଘେରାଉ କରିବା ସହ ଚା’ ବ୍ୟବସାୟ ସ୍ବାଭାବିକ କରିବା ପାଇଁ ଦାବି କରିଥିଲେ ।