ବଲାଙ୍ଗୀର: କୋରୋନା ପାଇଁ ଜାରି ରହିଛି ଲକଡାଉନ । ତେବେ ଏଥିଯୋଗୁଁ ସବୁ କ୍ଷେତ୍ର କ୍ଷତି ସହୁଥିବା ବେଳେ ସବୁଠୁ ଅଧିକ ପ୍ରଭାବିତ ହୋଇଛନ୍ତି ଛାତ୍ରଛାତ୍ରୀ । ସ୍କୁଲ ଖୋଲିବା ନେଇ ଲାଗିରହିଛି ଅନିଶ୍ଚିତତା। ସେହିପରି ଅନେକ ସ୍କୁଲରେ ନବମ ଶ୍ରେଣୀର କିଛି ପରୀକ୍ଷା ମଧ୍ୟ ବାକି ରହିଯାଇଛି।
ଜୁନ ପରେ ସ୍କୁଲ ଖୋଲିବା ନେଇ ଅନିଶ୍ଚିତତା, ଚିନ୍ତାରେ ଛାତ୍ରଛାତ୍ରୀ
ସାଧାରଣତଃ ସବୁ ସ୍କୁଲରେ ଏପ୍ରିଲ ପହିଲାରୁ ନୂଆ ଶିକ୍ଷା ବର୍ଷ ଆରମ୍ଭ ହୋଇଥାଏ । ହେଲେ ଏବର୍ଷ କୋରୋନା ଯୋଗୁଁ ଏଯାଏଁ ସ୍କୁଲ ଖୋଲି ନଥିବାରୁ ପାଠପଢା ବନ୍ଦ ରହିଛି। ତେବେ ପାଠ୍ୟକ୍ରମ ପଛାଇବ ନାହିଁ ବୋଲି ସରକାର ଅନଲାଇନ ପାଠ ପଢା ଆରମ୍ଭ କରିଛନ୍ତି। ହେଲେ ଗ୍ରାମାଞ୍ଚଳରେ ଏହା ସମ୍ଭବପର ହୋଇ ପାରିନାହିଁ। କେଉଁଠି ନେଟୱାର୍କ ନାହିଁ ତ କେଉଁଠି ପିଲାଙ୍କ ପାଖରେ ମୋବାଇଲ ନାହିଁ। ଫଳରେ 90 ଭାଗ ଛାତ୍ରଛାତ୍ରୀ ପାଠ ପଢିବାରୁ ବଞ୍ଚିତ ହୋଇଛନ୍ତି।