ବଲାଙ୍ଗୀର: ପୁଅ ତା’ର ବାପାକୁ ହତ୍ୟା କରିଥିବା ଅଭିଯୋଗ ହୋଇଛି । ବଲାଙ୍ଗୀର ଜିଲ୍ଲା ବେଲପଡ଼ା ଥାନା ଅନ୍ତର୍ଗତ ଘାଗୁଲି ଗ୍ରାମରେ ଏହି ଅଭାବନୀୟ ଘଟଣା ଦେଖିବାକୁ ମିଳିଛି । ଏହି ଗାଁରେ ରହୁଥିବା ବୈକୁଣ୍ଠ ମାଝୀ ଓ ତାଙ୍କ ପୁଅ ମହେଶ୍ବର ମାଝିଙ୍କ ମଧ୍ୟରେ ପାରିବାରିକ କଳହ ଲାଗି ରହିଥିଲା । ତେବେ ଏହାକୁ କେନ୍ଦ୍ର କରି ଆଜି(ଗୁରୁବାର) ବାପା ବୈକୁଣ୍ଠ ମାଝିକୁ ଏକ କୋଦାଳରେ ପ୍ରଥମେ ତା ପୁଅ ମହେଶ୍ବର ଆକ୍ରମଣ କରିଥିଲା । ବାପା ଗୁରୁତର ହୋଇ ତଳେ ପଡ଼ିଯିବା ପରେ ମଧ୍ୟ ପୁଅର ମନ ବୁଝିନଥିଲା । ପରେ ପୁଅ କାଳେ ବାପା ବଞ୍ଚିଯିବ ଭାବି ତାର ତଣ୍ଟି ଚିପି ହତ୍ୟା କରିଛି ।
କୋଦାଳରେ ପିଟି ବାପାଙ୍କୁ ହତ୍ୟା କଲା ପୁଅ