ବଲାଙ୍ଗୀର: ଚିକିତ୍ସା ପାଇଁ ମୋପେଡରେ ଯାଉଥିବାବେଳେ ବାଟରେ ମୃତ୍ୟୁ । ବଲାଙ୍ଗୀର ସହରରେ ଘଟିଛି ଏଭଳି ହୃଦୟବିଦାରକ ଘଟଣା ।
ମେଡିକାଲକୁ ଯିବା ବାଟରେ ମାଡିଗଲା ଟ୍ରକ, ସ୍ତ୍ରୀ ମୃତ, ସ୍ବାମୀ ଗୁରୁତର
ଏକ ଟ୍ରକ ମାଡ଼ି ଯିବାରୁ ମୋପେଡରେ ଚିକିତ୍ସା ପାଇଁ ଯାଉଥିବା ସ୍ବାମୀ ସ୍ତ୍ରୀଙ୍କ ମଧ୍ୟରୁ ସ୍ତ୍ରୀଙ୍କ ମୃତ୍ୟୁ ଘଟିଛି।
ସୂଚନା ଅନୁଯାୟୀ, ବଲାଙ୍ଗୀର ଚନ୍ଦନ ବାଟି ଗ୍ରାମର ସୌଖି ସାହୁ ଓ ତାଙ୍କ ସ୍ତ୍ରୀ ରଜନୀ ଭୋଇ ଆଜି ଚିକିତ୍ସା ପାଇଁ ବଲାଙ୍ଗୀର ମେଡ଼ିକାଲ କଲେଜକୁ ଯାଉଥିଲେ। ତେବେ ମେଡିକାଲରେ ପହଞ୍ଚିବା ପୂର୍ବରୁ ବାଟରେ ଜଗି ରହିଥିଲା ମୃତ୍ୟୁ । ସ୍ଥାନୀୟ କଚେରୀ ଛକ ନିକଟରେ ପଛ ପଟୁ ଦ୍ରୁତ ଗତିରେ ଆସୁଥିବା ଏକ ଟ୍ରକ ତାଙ୍କ ମୋପେଡକୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ପତ୍ନୀ ରଜନୀ ଭୋଇଙ୍କ ମୃତ୍ୟୁ ହୋଇଥିଲା ।