ବଲାଙ୍ଗୀର:ବିଜେବି କଲେଜ ଛାତ୍ରୀ ରୁଚିକାଙ୍କ ଆତ୍ମହତ୍ୟା ଘଟଣାକୁ ନେଇ ଆସନ୍ତା 19 ତାରିଖ ଓଡିଶା ବନ୍ଦ ଡାକରା ଦେଇଛି ନବ ନିର୍ମାଣ କୃଷକ ଓ ନବନିର୍ମାଣ ଛାତ୍ର ସଂଗଠନ । ତେବେ ଏହାକୁ ସଫଳ କରିବା ଓ ନୈତିକ ସମର୍ଥନ ଦେବା ପାଇଁ ବଲାଙ୍ଗୀରରେ ସମସ୍ତଙ୍କୁ ନିବେଦନ କରିଛନ୍ତି ଏହି ସଙ୍ଗଠନ ।
19 ତାରିଖ ଓଡିଶା ବନ୍ଦ ଡାକରା ସଫଳ ପାଇଁ ବଲାଙ୍ଗୀରରେ ପ୍ରୟାସ ରୁଚିକାଙ୍କୁ ରାଗିଂ ପରେ ତାଙ୍କର ଆତ୍ମହତ୍ୟା ଅଭିଯୋଗ ଓ ତା’ର ତଦନ୍ତ ଦାବିରେ ନବନିର୍ମାଣ କୃଷକ ସଂଗଠନ ଓ ନବ ନିର୍ମାଣ ଛାତ୍ର ସଂଗଠନର ଏହି ଡାକରା । ତେବେ ଏହାକୁ ସଫଳ କରିବା ଓ ଏହାକୁ ନୈତିକ ସମର୍ଥନ ଦେବା ପାଇଁ ବଲାଙ୍ଗୀରର ଛାତ୍ରଛାତ୍ରୀ ଓ ବିଭିନ୍ନ ସଂଗଠନକୁ ନିବେଦନ କରିଛି ଏହି ସଂଗଠନ । ଓଡ଼ିଶାର ବିଭିନ୍ନ କଲେଜରେ ରାଗିଂ ଯୋଗୁଁ ଛାତ୍ର ଛାତ୍ରୀଙ୍କ ପ୍ରାଣ ଯାଉଛି । ସେପଟେ ସରକାର କିମ୍ବା ପୋଲିସ ଏହା ଉପରେ କୌଣସି ବିଶେଷ ପଦକ୍ଷେପ ନେଉନାହିଁ । ତେବେ ସରକାର ଏଦିଗରେ କଠୋର ନିୟମ ଆଣନ୍ତୁ ଓ ସବୁଠି ରାଗିଂ ବନ୍ଦ କରାଯାଉ ବୋଲି ଦାବି କରାଯାଇଛି ।
