ବଲାଙ୍ଗୀର: ତୁଟୁନି ବଲାଙ୍ଗିର ରାଜେନ୍ଦ୍ର ବିଶ୍ବବିଦ୍ୟାଳୟ ଜମି ବିବାଦ ମାମଲା। ଜମି କାଗଜପତ୍ର ନା ବିଶ୍ଵବିଦ୍ୟାଳୟରେ ଅଛି ନା ତହସିଲ ଅଫିସରେ। ଏପଟେ ରାଜେନ୍ଦ୍ର କଲେଜ ନିକଟରେ ୟୁଜିସି ମାନ୍ୟତା ପାଇ ବିଶ୍ବବିଦ୍ୟାଳୟ ତାଲିକାରେ ଅନ୍ତର୍ଭୁକ୍ତ ହୋଇଛି । ହେଲେ ୟୁଜିସି ଗ୍ରାଣ୍ଟ ପାଇଁ ଦେଖା ଦେଇଛି ଜମି ସମସ୍ୟା । କାରଣ ସର୍ବପୁରାତନ ଶିକ୍ଷାନୁଷ୍ଠାନ କୁହାଯାଉଥିବା ରାଜେନ୍ଦ୍ର ବିଶ୍ବବିଦ୍ୟାଳୟ ନାଁରେ କୌଣସି ଜମି ପଟ୍ଟା ନାହିଁ ।
ତୁଟୁନି ରାଜେନ୍ଦ୍ର ବିଶ୍ବବିଦ୍ୟାଳୟ ଜମି ବିବାଦ, ରାଜା ପରିବାର ଓ ପ୍ରଶାସନକୁ ଦୋଷ ଦେଲେ ଲୋକେ
ଶିକ୍ଷାନୁଷ୍ଠାନ ପ୍ରତିଷ୍ଠାକୁ 77 ବର୍ଷ ହୋଇଥିଲେ ମଧ୍ୟ ବିଶ୍ଵବିଦ୍ୟାଳୟ ନାମରେ ଇଞ୍ଚେ ବି ଜମିର ପଟ୍ଟା ନାହିଁ। ଏବେ ବିଶ୍ବବିଦ୍ୟାଳୟ ଦଖଲରେ ପାଖାପାଖି 50 ଏକର ଜମି ରହିଥିବା ବେଳେ ସେଥିମଧ୍ୟରୁ 7 ଏକର ଜମିରେ ବିଶ୍ବବିଦ୍ୟାଳୟ କୋଠା ରହିଛି । ତେବେ କଲେଜ ଅଛି ହେଲେ ଏହା ନାଁ ରେ ଜମି ପଟ୍ଟା ନାହିଁ । ଯାହା ପାଇଁ ଏଠିକାର ଲୋକେ ଉଭୟ ରାଜା ପରିବାର ଓ ପ୍ରଶାସନକୁ ଦୋଷ ଦେଇଛନ୍ତି।