ଜୁଆ ଆଡ୍ଡା ଉପରେ ଚଢାଉ: 8 ଗିରଫ, ନଗଦ ଟଙ୍କା ସମେତ ବାଇକ ଜବତ

ଜଙ୍ଗଲ ଭିତରେ ଚାଲିଥିବା ଜୁଆ ଆଡ୍ଡା ଉପରେ ପୋଲିସ ଚଢାଉ କରି 8 ଜଣଙ୍କୁ ଗିରଫ କରିଛି । ସେଠାରୁ ତିନୋଟି ବାଇକ, ପାଞ୍ଚଟି ମୋବାଇଲ ଓ ୨୮ ହଜାର ଟଙ୍କା ଜବତ କରାଯାଇଛି ।

ବଲାଙ୍ଗୀର: ପାଟଣାଗଡ଼ର ଏକ ଜୁଆ ଆଡ୍ଡା ଉପରେ ପୋଲିସ୍ ଚଢାଉ କରି ୮ ଜଣଙ୍କୁ ଗିରଫ କରିଛି । ଘଟଣାସ୍ଥଳରୁ ପୋଲିସ୍ ତିନୋଟି ବାଇକ, ପାଞ୍ଚଟି ମୋବାଇଲ ଓ ୨୮ ହଜାର ଟଙ୍କା ଜବତ କରିଛି । ଗିରଫ ଅଭିଯୁକ୍ତଙ୍କୁ ଗତକାଲି କୋର୍ଟ ଚାଲାଣ କରାଯାଇଛି ।

ପାଟଣାଗଡ଼ ବରପଦର ଗାଁ ନିକଟସ୍ଥ ଜଙ୍ଗଲରେ ଦୀର୍ଘ ଦିନ ଧରି ଜୁଆ ଖେଳ ଚାଲିଥିବା ପାଟଣାଗଡ ପୋଲିସ ଖବର ପାଇଥିଲା । ଏହାପରେ ଏକ ସ୍ବତନ୍ତ୍ର ଟିମ୍ ଗଠନ କରାଯାଇ ଉକ୍ତ ସ୍ଥାନରେ ଚଢାଉ କରାଯାଇଥିଲା । ତେବେ ଏହି ଚଢାଉରେ ପୋଲିସ ସଫଳ ହେବା ସହ ଆଠ ଜଣଙ୍କୁ ଗିରଫ କରିଛି ।

ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ