ବଲାଙ୍ଗୀର: ପୁଇଁନ୍ତଲା ପୋଲିସ ହାତରେ ଧରାପଡିଲେ 4 ମୋଷ୍ଟ ୱାଣ୍ଟେଡ ଲୁଟେରା । ଜଣେ ଫାଇନାନ୍ସ କମ୍ପାନୀର ଏଜେଣ୍ଟକୁ ଲୁଟ ମାମଲାରେ ତଦନ୍ତ କରୁଥିବା ବେଳେ ପୋଲିସ 4 ଜଣ ଲୁଟେରାକୁ ଗିରଫ କରିବାରେ ସଫଳ ହୋଇଛି । ସେମାନଙ୍କ ଠାରୁ ପୋଲିସ 6ଟି ମୋବାଇଲ, 2ଟି ପଲସର ବାଇକ ଜବତ କରିଛି । ଏମାନଙ୍କୁ କୋର୍ଟ ଚାଲାଣ କରିଥିବା ବେଳେ ପୋଲିସ ଅଧିକ ତଦନ୍ତ ଜାରି ରଖିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବଲାଙ୍ଗୀର
ସ୍ଥାନୀୟ ଅଞ୍ଚଳରେ ବିଭିନ୍ନ ଲୁଟ ମାମଲାର ଲଗାତାର ଅଭିଯୋଗ ହେବା ପରେ ପୋଲିସ ତନାଘନା ଜାରି ରଖିଥିଲା । କିଛି ଦିନ ପୂର୍ବରୁ ଅନ୍ନପୂର୍ଣ୍ଣା ଫାଇନାନ୍ସର ଏଜେଣ୍ଟ ବାବୁଲି ପ୍ରଧାନକୁ ଏହି ଅଞ୍ଚଳରେ କିଛି ଦୁର୍ବୃତ୍ତ ମାଡ ମାରି ବାଇକ ,ମୋବାଇଲ ଓ 50 ହଜାରରୁ ଊର୍ଦ୍ଧ୍ବ ଟଙ୍କା ଲୁଟି ନେଇଥିଲେ ।