ବଲାଙ୍ଗୀର: ବେଆଇନ ମଦ କାରବାର ବନ୍ଦ ଓ ମଦଭାଟି ଅନ୍ୟତ୍ର ସ୍ଥାନାନ୍ତର ଦାବି କରି ମହିଳାଙ୍କ ମଦ ବିରୋଧି ଆନ୍ଦୋଳନ। କଣ୍ଟାବାଞ୍ଜି ସହରରେ ବେଆଇନ ଭାବେ ବିଭିନ୍ନ ପଡାରେ ଚାଲୁଥିବା ମଦ ବ୍ୟବସାୟ ଓ ସହର ଭିତରେ ଥିବା ଲାଇସେନ୍ସ ପ୍ରାପ୍ତ ଦେଶୀ ମଦ ଭାଟିକୁ ସ୍ଥାନାନ୍ତର କରିବା ଦାବି ନେଇ ମହିଳା ଅଣ୍ଟା ଭିଡ଼ିଛନ୍ତି।
ସହରର ବିଭିନ୍ନ ୱାର୍ଡର ଶତାଧିକ ମହିଳା ଏକତ୍ରିତ ହୋଇ ଏକ ଶୋଭାଯାତ୍ରାରେ ସହର ପରିକ୍ରମା କରି ତହସିଲ ଅଫିସ ପହଞ୍ଚିଥିଲେ। ସେଠାରେ ‘ନାରୀଶକ୍ତି ଜିନ୍ଦାବାଦ’ ନାରା ଦେବା ସହ ବେଆଇନ ମଦ ବ୍ୟବସାୟ ବନ୍ଦ ଓ ମଦ ଭାଟି ସ୍ଥାନାନ୍ତର ଦାବି କରିଥିଲା । ବେଆଇନ ଭାବେ ମଦ ବ୍ୟବସାୟ ସହରର ବିଭିନ୍ନ ପଡାରେ ଚାଲୁଥିବା କାରଣରୁ ପଡାରେ ନାରୀ ସୁରକ୍ଷିତ ମନେ କରୁନାହାଁନ୍ତି।
ଭିଡିଓ ସୌଜନ୍ୟ: ସମ୍ବାଦଦାତା, ବଲାଙ୍ଗୀର