ବଲାଙ୍ଗୀର: ଜିଲ୍ଲାର ପାଟଣାଗଡ଼ ସବ ଜେଲରେ ଜଣେ ବିଚାରଧୀନ କଏଦୀଙ୍କ ମୃତ୍ୟୁ ଘଟିଛି । ଏହି ମାମଲାରେ ପରିବାର ଲୋକେ ଜେଲ କର୍ତ୍ତୃପକ୍ଷଙ୍କୁ ଦାୟୀ କରିବା ସହିତ ନ୍ୟାୟ ପାଇଁ ଦାବି କରିଛନ୍ତି । ତାଙ୍କୁ ଜାଣିଶୁଣି ମୃତ୍ୟୁମୁଖକୁ ଠେଲି ଦିଆଯାଇଛି ବୋଲି ସମ୍ପର୍କୀୟ ଅଭିଯୋଗ କରିଛନ୍ତି ।
ଜେଲରେ କଏଦୀ ମୃତ୍ୟୁ ମାମଲା, କର୍ତ୍ତୃପକ୍ଷଙ୍କୁ ଦାୟୀ କଲେ ପରିବାର
ଗତ 7 ତାରିଖରେ ପାଟଣାଗଡ଼ ଜେଲରେ ବିଚାରଧୀନ ଥିବା ଜଣେ କଏଦୀଙ୍କର କୋରୋନାରେ ମୃତ୍ୟୁ ହୋଇଥିଲା । ତେବେ ଏହାକୁ ନେଇ ପରିବାର ଲୋକେ ଏବେ ଜେଲ କର୍ତ୍ତୃପକ୍ଷଙ୍କୁ ଦାୟୀ କରିଛନ୍ତି । ତେବେ ଗତ ଏପ୍ରିଲ ମାସ 25 ତାରିଖରେ ଖପ୍ରାଖୋଲ ଧଣ୍ଡାମୁଣ୍ଡା ଗ୍ରାମର ବଲ୍ଲଭ ପ୍ରଧାନକୁ ପୋଲିସ ବେଆଇନ କଫ ସିରଫ ମାମଲାରେ ଗିରଫ କରିଥିଲା । ଏହାପରେ ତାଙ୍କର କୋରୋନା ପରୀକ୍ଷା କରାଯାଇଥିଲା । ପରୀକ୍ଷା ପରେ ସେ ସଂକ୍ରମିତ ନଥିବାର ଜଣାପଡ଼ିବା ପରେ ପାଟଣାଗଡ଼ ଉପ କାରାଗାରକୁ ତାଙ୍କୁ ପଠାଯାଇଥିଲା ।