ବିଲ ଭିତରୁ ରକ୍ତ ଜୁଡୁବୁଡୁ ମୃତଦେହ ଉଦ୍ଧାର, ପଥରରେ ଛେଚି ହତ୍ୟା

ଜଗଦୀଶ ମନ ହୀରା ରାତିରେ ନିଜ କୁକୁଡ଼ା ଫାର୍ମକୁ ଜଗିବାକୁ ଯାଇଥିଲେ । ତେବେ ଭୋର ସମୟରେ ଫାର୍ମରୁ କିଛି ଦୂରରେ ଥିବା ଏକ ବିଲ ଭିତରୁ ତାଙ୍କର ରକ୍ତ ଜୁଡୁବୁଡୁ ମୃତଦେହ ଲୋକେ ଉଦ୍ଧାର କରିଛନ୍ତି ।

ବଲାଙ୍ଗୀର: ପଥରରେ ଛେଚି ଜଣେ ବ୍ୟକ୍ତିଙ୍କୁ ନିର୍ମମ ହତ୍ୟା ଅଭିଯୋଗ । ବଲାଙ୍ଗୀର ସଇଁତଳା ଥାନା ଅନ୍ତର୍ଗତ ଝର ବହାଲି ଗ୍ରାମରେ ଏହି ଘଟଣା ଘଟିଛି । ମୃତ ବ୍ୟକ୍ତି ଜଣକ ହେଲେ ସେହି ଗାଁର ଜଗଦୀଶ ମନ ହୀରା । ସେ ଶୋଇଥିବାବେଳେ କିଛି ଦୁବୃର୍ତ୍ତ ତାଙ୍କ ଉପରେ ପଥରରେ ଆକ୍ରମଣ କରିଥିବା ଜଣାପଡିଛି ।

ସବୁଦିନ ପରି ଜଗଦୀଶ ମନ ହୀରା ରାତିରେ ନିଜ କୁକୁଡ଼ା ଫାର୍ମକୁ ଜଗିବାକୁ ଯାଇଥିଲେ । ତେବେ ଭୋର ସମୟରେ ଫାର୍ମରୁ କିଛି ଦୂରରେ ଥିବା ଏକ ବିଲ ଭିତରୁ ତାଙ୍କର ରକ୍ତ ଜୁଡୁବୁଡୁ ମୃତଦେହ ଲୋକେ ଉଦ୍ଧାର କରିଛନ୍ତି । ଏହି ଖବର ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ଟିଟିଲାଗଡ ଡାକ୍ତରଖାନାକୁ ପଠାଇଛି ।

ତେବେ ପ୍ରାଥମିକ ସୂଚନା ଅନୁସାରେ, ପୂର୍ବ ଶତ୍ରୁତାକୁ କେନ୍ଦ୍ର କରି କେହି ତାଙ୍କୁ ନିର୍ମମ ହତ୍ୟା କରିଥିବା ଜଣାପଡିଛି । ପୋଲିସ ଏବେ ତଦନ୍ତ ଜାରି ରଖିଥିବା ବେଳେ କାହାକୁ ଗିରଫ କରିନାହିଁ ।

ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ, ଇଟିଭି ଭାରତ