ବଲାଙ୍ଗୀର: ବଲାଙ୍ଗୀର ପୋଲିସ ନାଁରେ ସଙ୍ଗୀନ ଅଭିଯୋଗ । ଚେକିଂ ନାମରେ ଯୁବକଙ୍କୁ ମାଡ ମାରିଥିବା ଅଭିଯୋଗ ହୋଇଛି । ପୋଲିସ ବିରୁଦ୍ଧରେ ଏଭଳି ସଙ୍ଗୀନ ଅଭିଯୋଗ ଆଣିଛନ୍ତି ଦୀପଙ୍କର ପଣ୍ଡା ନାମକ ଯୁବକ । ପୋଲିସ ତାଙ୍କୁ ଚେକିଂ ଆଳରେ ମାଡ ମାରିଥିବା ସେ ଅଭିଯୋଗ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବଲାଙ୍ଗୀର
ସୂଚନା ଅନୁଯାୟୀ,ପାଟଣାଗଡ଼ରୁ ବଲାଙ୍ଗୀର ରାସ୍ତାରେ ପୋଲିସ ଟ୍ରାଫିକ ଚେକିଂ କରୁଥିଲା । ଏହି ସମୟରେ ପାଟଣାଗଡ଼ରୁ ବଲାଙ୍ଗୀରକୁ ଫେରୁଥିଲେ ଦୀପଙ୍କର । ଚେକିଂ ପାଇଁ ପୋଲିସ ତାଙ୍କୁ ଅଟକାଇ ଥିଲା । ହେଲେ ଚେକିଂ କରିବା ବଦଳରେ ତାଙ୍କୁ ମାଡ ମାରିଥିବା ତାଙ୍କ ବାପା ଅଭିଯୋଗ କରିଛନ୍ତି । ପୋଲିସ ମାଡରେ ଆହତ ହୋଇ ସେ ପ୍ରଥମେ ବଲାଙ୍ଗୀର ପରେ ବୁର୍ଲା ମେଡିକାଲରେ ଚିକିତ୍ସିତ ହେଉଛନ୍ତି ।