ବଲାଙ୍ଗୀର:କେବେ ଉଠିବ ଏସିଏଫ ସୌମ୍ୟରଞ୍ଜନଙ୍କ ମୃତ୍ୟୁ ରହସ୍ୟ ଉପରୁ ପରଦା ? ଡିଏଫଓ ଏବଂ ରୋଷେୟାଙ୍କୁ କ୍ଲିନ ଚିଟ ପରେ ବାଟବଣା ହେବନି ତ ତଦନ୍ତ । ଏମିତି ଅନେକ ପ୍ରଶ୍ନ ଏବେ ରାଜ୍ୟବାସୀଙ୍କ ମନରେ ଉଙ୍କିମାରୁଛି । ସେପଟେ ବଲାଙ୍ଗୀରରେ ପତ୍ନୀ ବିଦ୍ୟା ଭାରତୀ କରିଥିବା ବ୍ୟାଚଲର ପାର୍ଟିକୁ ନେଇ ଆଜି ତଦନ୍ତ କରିବ ପୋଲିସ । କାହା ସହ ପ୍ରାଣୀ ଧନ ନିରୀକ୍ଷକ ତାଲିମ କେନ୍ଦ୍ରକୁ ଯାଇଥିଲେ ବିଦ୍ୟା ଓ କାହା ସହ ଫେରିଲେ ଏବଂ ବ୍ୟାଚଲର ପାର୍ଟିରେ କଣ ହୋଇଥିଲା ।
ACF ସୌମ୍ୟରଞ୍ଜନ ମୃତ୍ୟୁ ମାମଲା: ଖୋଳତାଡ ପାଇଁ ବଲାଙ୍ଗୀରରେ ପାରଳାଖେମୁଣ୍ଡି ପୋଲିସ
ଏନେଇ ଅଧିକ ତଦନ୍ତ ପାଇଁ ପାରଳାଖେମୁଣ୍ଡି ପୋଲିସ ଟିମ୍ ଆଜି ବଲାଙ୍ଗୀରରେ ପହଞ୍ଚିଛି । ପ୍ରଥମେ ବଲାଙ୍ଗୀର ଟାଉନ ପୋଲିସ ସହ ଆଲୋଚନା ପରେ ଏବେ ପ୍ରାଣୀଧନ ନିରୀକ୍ଷକ ତାଲିମ କେନ୍ଦ୍ରରେ ଯାଇ ଏହି ଟିମ ତଦନ୍ତ ଆରମ୍ଭ କରିଛି । ପାରଳାଖେମୁଣ୍ଡିର ଆଇଆଇସି ବିବେକାନନ୍ଦ ସ୍ୱାଇଁଙ୍କ ଅଧ୍ୟକ୍ଷୟତାରେ ୫ ଜଣିଆ ଟିମ ଏହି ତଦନ୍ତ କରୁଛନ୍ତି ।