ବଲାଙ୍ଗୀର: ସହରରେ ଦୀର୍ଘ କିଛି ଦିନ ହେବ ସିରିଜ ଚେନ ଲୁଟର ଅଭିଯୋଗ ହୋଇ ଆସୁଥିଲା । ତେବେ ପୋଲିସ ଏହି ସବୁ ମାମଲାର ତଦନ୍ତ କରୁଥିବା ବେଳେ ଏହାର ମୁଖ୍ୟ ତଥା ମାଷ୍ଟର ମାଇଣ୍ଡକୁ ଧରିବାରେ ସଫଳ ହୋଇଛି । ଧରାପଡିଥିବା ମୁଖ୍ୟ ଅଭିଯୁକ୍ତ ସୁବର୍ଣ୍ଣପୁର ଜିଲ୍ଲାର ହୋଇଥିବା ବେଳେ ସେ ଓ ତାର ସହଯୋଗୀ ବଲାଙ୍ଗୀରର ବିଭିନ୍ନ ସ୍ଥାନରେ ଲୁଟ ଭଳି ଏକାଧିକ ମାମଲରେ ସମ୍ପୃକ୍ତ ଥିଲେ ।
ଭିଡିଓ ସୌଜନ୍ୟ- ସମ୍ବାଦଦାତା, ବଲାଙ୍ଗୀର
ସୁବର୍ଣ୍ଣପୁର ସହର ଝୁପଡିପଡାର ବିଶ୍ବଜିତ ନନ୍ଦ ଓରଫ ରାଜା ମାର୍ଚ୍ଚ ମାସରୁ ବଲାଙ୍ଗୀରରେ ରହି ଆସୁଥିଲା । ଏଠାରେ ତାର ସହଯୋଗୀ ମାନଙ୍କ ସହ ମିଶି ଆତଙ୍କ ଖେଳାଇଥିଲା । ଲୋକଙ୍କ ବେକରୁ ସୁନା ଚେନ ଲୁଟ ସହ ଏକ ଫାଇନାନ୍ସ କମ୍ପାନୀର ଏଜେଣ୍ଟକୁ ମଧ୍ୟ ଏମାନେ ଲୁଟ କରିଥିବାର ପୋଲିସ ଜାଣିବାକୁ ପାଇଛି । ତେବେ ଏମାନେ କେବଳ ବଲାଙ୍ଗୀରର ମୋଟ ୯ଟି ଲୁଟ ମାମଲାରେ ଜଡିତ ଥିବାର ପୋଲିସ କହିଛି ।