ବଲାଙ୍ଗୀର:ଶ୍ରମିକ ମାନଙ୍କୁ ନେଇ ଏକ ପିକଅପ ଭ୍ୟାନ ଯାଉଥିବାବେଳେ, ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି (Pickup van overturns one died seven injured) । ଦୁର୍ଘଟଣାରେ ଜଣେ ଶ୍ରମିକଙ୍କର ମୃତ୍ୟୁ ହୋଇଥିବାବେଳେ 7 ଜଣ ଶ୍ରମିକ ଗୁରୁତର ଭାବେ ଆହତ ହୋଇଛନ୍ତି । ଏଭଳି ମର୍ମନ୍ତୁଦ ଦୁର୍ଘଟଣା ଘଟିଛି ବଲାଙ୍ଗୀର ସହର ନିକଟସ୍ଥ ସଦେଇପାଲି ଛକରେ (Pickup van overturns ) । ଗୁରୁତର ମାନଙ୍କୁ ବଲାଙ୍ଗୀର ଭୀମଭୋଇ ମେଡିକାଲରେ ଭର୍ତ୍ତି କରାଯାଇଛି । ମୃତକ ଜଣକ ହେଲେ କେନ୍ଦୁଝର ଜିଲ୍ଲା ବାରି ଗ୍ରାମର ଶ୍ରମିକ ହିମାଂଶୁ ଶଙ୍ଖୁଆ ।
ସୂଚନାନୁସାରେ ଏହି ପିକଅପ ଭ୍ୟାନରେ ଶ୍ରମିକ ମାନେ ବିଦ୍ୟୁତ ପୋଲ ନେଇ ଯାଉଥିଲେ । ସେହି ସମୟରେ ସଦେଇପାଲି ଛକର ବୁଲାଣି ଠାରେ ଚାଳକ ଜଣକ ଭାରସାମ୍ୟ ହରାଇବାରୁ ଭ୍ୟାନଟି ରାସ୍ତା କଡ଼କୁ ଓଲଟି ପଡ଼ିଥିଲା । ସମସ୍ତ ଶ୍ରମିକ ମାନେ ଚନ୍ଦନଭାଟି ଗ୍ରାମ ପଟରୁ ବଲାଙ୍ଗୀର ଆସୁଥିଲେ । ସବୁଠୁ ବଡ଼ କଥା ଭ୍ୟାନରେ ବିଦ୍ୟୁତ୍ ଖୁଣ୍ଟ ବୋଝେଇ ହୋଇଥିବା ବେଳେ ତାହାରି ତଳେ ଶ୍ରମିକ ମାନେ ଚାପି ହୋଇଯାଇଥିଲେ ।