ବଲାଙ୍ଗୀର: ପାଟଣାଗଡ଼ ବହୁ ଚର୍ଚ୍ଚିତ ହତ୍ୟାକାଣ୍ଡର ପର୍ଦ୍ଦାଫାଶ କରିଛି ପୋଲିସ୍ । ଗୋଟିଏ ପରିବାରର ଛ ଜଣଙ୍କ ହତ୍ୟା ଘଟଣାରେ ସାତ ଜଣ ଗିରଫ ଦୁଇ ଫେରାର। ପୂର୍ବ ଶତ୍ରୁତା କାରଣରୁ ହୋଇଥିଲା ଏହି ହତ୍ୟାକାଣ୍ଡ। ବଲାଙ୍ଗୀର ପାଟଣାଗଡ଼ ବହୁ ଚର୍ଚ୍ଚିତ ହତ୍ୟାକାଣ୍ଡର ପୋଲିସ୍ କଲା ପର୍ଦ୍ଦାଫାଶ । ଗୋଟିଏ ପରିବାରର ଛ ଜଣଙ୍କ ହତ୍ୟା ଘଟଣାରେ ସାତ ଜଣଙ୍କୁ ପୋଲିସ୍ ଗିରଫ କରିଥିବାବେଳେ ଦୁଇ ଜଣ ଫେରାର ଥିବାର କହିଛି ପୋଲିସ। ତେବେ ପୂର୍ବ ଶତ୍ରୁତା କାରଣରୁ ଏହି ହତ୍ୟାକାଣ୍ଡ ହୋଇଥିବା ପୋଲିସ ସ୍ପଷ୍ଟ କରିଛି।
ପାଟଣାଗଡ ସଅଁରା ପଦାରେ ରହୁଥିବା ବୁଲୁ ଜାନି ତାଙ୍କ ସ୍ତ୍ରୀ ଓ ଚାରି ଶିଶୁଙ୍କୁ ଅତି ନିର୍ମମ ଭାବରେ ହତ୍ୟା କରାଯାଇଥିଲା। ତେବେ ପୋଲିସର ସୂଚନା ମୁତାବକ ମୃତ ବୁଲୁ ଜାନି ଓ ସମ୍ପର୍କୀୟ ତିନି ପରିବାର ବାବୁଲା ଜାନିଙ୍କ ପରିବାର, ଗଣ୍ଡ ପରିବାର ଓ ମାଝି ପରିବାର ସହ ବହୁ ଦିନରୁ ଶତ୍ରୁତା ଥିଲା। ଏପରିକି ବୁଲୁ ଜାନି ଏମାନଙ୍କୁ ମାଡ଼ପିଟ କରିବାରୁ କିଛି ପରିବାର ଜିଲ୍ଲା ବାହାରକୁ ପଳାଇଥିଲେ। ତେବେ ଏହି କାରଣରୁ ଏହି ତିନି ପରିବାର ମିଶି ହତ୍ୟାକାଣ୍ଡ ଘଟାଇଥିଲେ ବୋଲି କହିଛି ପୋଲିସ ।