ବଲାଙ୍ଗୀର:ପଞ୍ଚାୟତ ନିର୍ବାଚନ ତାରିଖ ଯେତିକି ପାଖଉଛି, ପ୍ରଚାର ସେହିମାତ୍ରାରେ ଜୋରଦାର ହେଉଛି । ତିନି ରାଜନୈତିକ ଦଳ ଚଳିତ ନିର୍ବାଚନରେ ନିଜ ନିଜ ସମର୍ଥିତ ପ୍ରାର୍ଥୀଙ୍କୁ ବିଜୟୀ କରାଇବା ପାଇଁ ପୁରା ଦମ ଲଗାଇ ଦେଇଛନ୍ତି । ଏହା ସହିତ ପଞ୍ଚାୟତ ସମିତି ଦଖଲ ସହିତ ଜିଲ୍ଲା ପରିଷଦ ଗଠନ କରିବାକୁ ଉଦ୍ୟମ ଜାରି ରଖିଛନ୍ତି । ବଲାଙ୍ଗୀର ବିଜେଡିର ଗଡ କୁହାଯାଉଥିବା ଦେଓଗାଁ ବ୍ଲକ ରାଜନୀତି ପାଇଁ ବିଭିନ୍ନ ସମୟରେ ଚର୍ଚ୍ଚାରେ ରହି ଆସିଛି ।
Panchayat Election : ଦେଓଗାଁ ବ୍ଲକ ହାତେଇବା ପାଇଁ ବିଜେଡିର ଅଙ୍କକଶା
ଦେଓଗାଁ ବ୍ଲକରେ ଦୁଇଟି ଜିଲ୍ଲା ପରିଷଦ ଜୋନ୍ ଥିବା ବେଳେ ଗତ ପଞ୍ଚାୟତ ନିର୍ବାଚନରେ ଦୁଇଟା ଯାକ ଜୋନ୍ ହାତେଇ ଥିଲା ବିଜେଡି । ଚଳିତ ନିର୍ବାଚନ ପାଇଁ ୧୨ ଓ ୧୩ ନମ୍ବର ଜିଲ୍ଲା ପରିଷଦ ଜୋନରେ ନିଜର ପ୍ରାର୍ଥୀ ଦେଇଛି ବିଜେଡି । ନିର୍ବାଚନରେ ସଫଳ ହେବା ପାଇଁ ଘରକୁ ଘର ବୁଲି ଜୋରସୋର ପ୍ରଚାର ଆରମ୍ଭ କରିଛି ।