ବଲାଙ୍ଗୀର: ସାମ୍ବାଦିକ ସମ୍ମିଳନୀ କରି ସରକାରଙ୍କ ଉପରେ ପ୍ରବଳ ବର୍ଷିଲେ ବିରୋଧୀ ଦଳ ନେତା ନରସିଂହ ମିଶ୍ର । ଜିଲ୍ଲାରେ ଥିବା ବିଭିନ୍ନ ସମସ୍ୟା ଯଥା ଟ୍ରାଫିକ, କାମ ବନ୍ଦ ହୋଇ ପଡି ରହିଥିବା ଲୋୟର ଶୁକତେଲ ଓ ବାଏପାସ ଭଲି ବିଭିନ୍ନ ପ୍ରସଙ୍ଗ ଉଠାଇଛନ୍ତି । ବଲାଙ୍ଗୀର ବିଧାୟକ ଭାବେ ସେ ନିଜେ ଏହି ସବୁ ସମସ୍ୟାର ସମାଧାନ ପାଇଁ ବିଭିନ୍ନ ପ୍ରକାର ପ୍ରଚେଷ୍ଟା କରିଥିଲେ ସୁଦ୍ଧା ସରକାର ଓ ଜିଲ୍ଲା ପ୍ରଶାସନ ତାଙ୍କୁ ସହଯୋଗ କରି ନଥିବାର ସେ କହିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବଲାଙ୍ଗୀର
ବଲାଙ୍ଗୀର ୧୯୯୬ ମସିହାରୁ ନିର୍ମାଣ ହୋଇଥିବା ଲୋୟର ଶୁକତେଲ ପ୍ରକଳ୍ପ କେବଳ ଉଚିତ ଥଇଥାନ ହୋଇ ପାରୁନଥିବାରୁ ଏପର୍ଯ୍ୟନ୍ତ ଅଧପନ୍ତରିଆ ପଡି ରହିଛି । ତେବେ ସେ ୨୦୧୩ ଥଇଥାନ ଆଇନ ଲାଗୁ କରି ଶୀଘ୍ର କାମ କରିବାକୁ ସରକାରଙ୍କ ଠାରେ ଦାବି ଉପସ୍ଥାପିତ କରିଥିଲେ ହେଁ ସରକାର ଏଯାଏଁ ତାକୁ ସମ୍ପୁର୍ଣ୍ଣ କରିବାକୁ ଚାହୁଁ ନ ଥିବାର ସେ କହିଛନ୍ତି ।