ବଲାଙ୍ଗୀର: ସ୍କୁଲ ଶୌଚାଳୟ ତାଜା ପଡି ଶିଶୁ ମୃତ୍ୟୁ ଘଟଣାରେ କାର୍ଯ୍ୟାନଷ୍ଠାନ ଗ୍ରହଣ କରିଛନ୍ତି ଜିଲ୍ଲାପାଳ । ଜିଲ୍ଲାପାଳଙ୍କ ନିର୍ଦ୍ଦେଶରେ ସ୍କୁଲ ପ୍ରଧାନ ଶିକ୍ଷୟତ୍ରୀ ମନ୍ଦାକିନୀ ଯୋଶୀଙ୍କୁ ନିଲମ୍ବନ କରାଯାଇଛି । ଏଥିସହିତ ସମାନ ଭାବରେ ଶୌଚାଳୟ ତିଆରି କରିଥିବା ଡିପିଇପି, ଜେଇଙ୍କୁ କାରଣ ଦର୍ଶାଅ ନୋଟିସ୍ ଜାରି କରିଛନ୍ତି ଜିଲ୍ଲାପାଳ ।
ଶୌଚାଳୟ ତାଜା ପଡି ଜଣେ ଶିଶୁ ମୃତ, ଅନ୍ୟ ଜଣେ ଗୁରୁତର
ସୂଚନାନୁସାରେ, ଶନିବାର ବଲାଙ୍ଗୀର ସହର ମଧ୍ୟରେ ଥିବା ତିକ୍ରପଡ଼ା ସରକାରୀ ଉଚ୍ଚ ପ୍ରାଥମିକ ସ୍କୁଲ କ୍ଲାସ ଚାଲିଥିବା ବେଳେ କିଛି ପିଲା ସ୍କୁଲର ଶୌଚାଳୟ ପାଖରେ ଥିଲେ । ହଠାତ ଶୌଚଳୟର ସାମ୍ନାପଟ ତାଜା ତାଙ୍କ ଉପରେ ପଡିଯାଇଥିଲା । ଭଙ୍ଗା ତାଜା ତଳେ ଚାପି ହୋଇ ଶିଶୁ ଅସିତ ଖରସେଲଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିଲା । ଅନ୍ୟ ଜଣେ ଶିଶୁ ଗୁରୁତର ଆହତ ହୋଇଥିଲେ ।