ବଲାଙ୍ଗୀର: ବଲାଙ୍ଗୀର ସହର । ପଶ୍ଚିମ ଓଡିଶାର ଏକ ବ୍ୟବସାୟିକ ପେଣ୍ଠସ୍ଥଳୀ । ଦିନକୁ ଦିନ ଏଠାରେ ବ୍ୟବସାୟିକ ପ୍ରତିଷ୍ଠାନ ବଢୁଥିବାବେଳେ ଜିଲ୍ଲା ତଥା ଜିଲ୍ଲା ବାହାରୁ ଦୈନିକ ଅନେକ ଲୋକଙ୍କ ସମାଗମ ହୋଇଥାଏ । ଯାହାକୁ ଦୃଷ୍ଟିରେ ରଖି କିଛି ବେପାର ଆଶାରେ ଉଠାଦୋକାନୀ ସେମାନଙ୍କ ପସରା ମେଲାଇଛନ୍ତି ।
ଫଳରେ ମୁଖ୍ୟ ରାସ୍ତା ଗୁଡିକରେ ଟ୍ରାଫିକ୍ ସମସ୍ୟା ଦେଖାଦେଉଛି । ବିଶେଷ କରି ସନ୍ଧ୍ୟା ସମୟରେ ଅଧିକରୁ ଅଧିକ ଲୋକ ଆସୁଥିବାରୁ ଯିବା ଆସିବା ପାଇଁ ଅନେକ ହଇରାଣ ହରକତ ହେବାକୁ ପଡୁଛି । ହେଲେ ପ୍ରଶାସନ ଏମାନଙ୍କ ପାଇଁ କିଛି କରୁନଥିବା ଅଭିଯୋଗ ହେଉଛି ।
ଉଠାଦୋକାନୀ
ସେପଟେ ପ୍ରଶାସନ ପକ୍ଷରୁ କିଛି ବ୍ୟବସାୟୀଙ୍କ ପାଇଁ ଭେଣ୍ଡିଂ ଜୋନର ବ୍ୟବସ୍ଥା କରାଯାଇଥିଲେ ବି ଏଠାକୁ କୌଣସି ଲୋକ ଆସୁନାହାଁନ୍ତି । ଫଳରେ ଯେଉଁ ଉଠାଦୋକାନୀଙ୍କୁ ଏଠାରେ ଆଲର୍ଟ କରାଯାଇଛି ସେମାନ ବି ପୁଣି ରାସ୍ତା କଡରେ ଆସି ବେପାର କରୁଛନ୍ତି ।