କୋରୋନା ଯୋଗୁଁ ଫିକା ପଡିଲା ନୂଆଁଖାଇ ପାହୁର ଯାତ୍ରା

କୋରୋନା କଟକଣା ଯୋଗୁଁ ଏବର୍ଷ ସବୁ ମନ୍ଦିରରେ ତାଲା ଝୁଲୁଛି । ଫଳରେ କେବଳ ରୀତି ନୀତି ଅନୁସାରେ ଅଳ୍ପ କିଛି ଭକ୍ତରେ ଏହି ପାହୁର ଯାତ୍ରା ଆୟୋଜନ ହେବା ସହ ସାମଗ୍ରୀ ସବୁ ଦେବାଦେବୀଙ୍କ ନିକଟରେ ଅର୍ପଣ କରାଯାଇଥିଲା।

ବଲାଙ୍ଗୀର: କୋରୋନା କଟକଣା ଯୋଗୁଁ ସବୁ ପର୍ବପର୍ବାଣି ଫିକା ପଡିଥିବାବେଳେ ବଲାଙ୍ଗୀରରେ ନୂଆଁଖାଇ ପାହୁର ଯାତ୍ରା ମଧ୍ୟ ଫିକା ପଡିଛି । ସାଧାରଣ ଦିନରେ ଏହି ଯାତ୍ରା ଅତି ଧୁମଧାମରେ ପାଳିତ ହେଉଥିବାବେଳେ ଏବର୍ଷ କେବଳ ରୀତି ନୀତିରେ ସୀମିତ ରହିଛି ।

ନୂଆଁଖାଇ ପୂର୍ବରୁ ଏହି ପାହୁର ଯାତ୍ରା ହେଉଥିବାବେଳେ ଏଥିରେ ସବୁ ଇଷ୍ଟ ଦେବାଦେବୀଙ୍କୁ ନୂଆଁଖାଇ ପାଇଁ ପୋଷାକ ପ୍ରସାଧନ ସାମଗ୍ରୀ ଓ ପୂଜା ସାମଗ୍ରୀ ଅର୍ପଣ କରାଯାଇଥାଏ । ଶତାଧିକ ଲୋକ ଏଥିରେ ଯୋଗ ଦେଇ ଭବ୍ୟ ଯାତ୍ରାର ଆୟୋଜନ ହୋଇଥାଏ । ହେଲେ କୋରୋନା କଟକଣା ଯୋଗୁଁ ଏବର୍ଷ ସବୁ ମନ୍ଦିରରେ ତାଲା ଝୁଲୁଛି । ଫଳରେ କେବଳ ରୀତି ନୀତି ଅନୁସାରେ ଅଳ୍ପ କିଛି ଭକ୍ତରେ ଏହି ପାହୁର ଯାତ୍ରା ଆୟୋଜନ ହେବା ସହ ସାମଗ୍ରୀ ସବୁ ଦେବା ଦେବୀଙ୍କ ନିକଟରେ ଅର୍ପଣ କରାଯାଇଥିଲା ।

ବଲାଙ୍ଗୀରରୁ ଏସକେ. ମହମ୍ମଦ ୱାହିଦ, ଇଟିଭି ଭାରତ