ବଲାଙ୍ଗୀର: ପୁଣି 8ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାପରେ ବଲାଙ୍ଗୀରରେ ମୋଟ କୋରୋନା ଆକ୍ରାନ୍ତ ସଂଖ୍ୟା 24କୁ ପହଞ୍ଚିଛି । ତେବେ ସୋମବାର ବଲାଙ୍ଗୀରରେ ଚିହ୍ନଟ ହୋଇଥିବା ସମସ୍ତ କୋରୋନା ଆକ୍ରାନ୍ତମାନେ ବାହାର ରାଜ୍ୟରୁ ଫେରିଥିବାର ଜିଲ୍ଲା ପ୍ରଶାସନ ସୂଚନା ଦେଇଛି ।
ବଲାଙ୍ଗୀରରେ 24କୁ ବୃଦ୍ଧି ହେଲା ପଜିଟିଭଙ୍କ ସଂଖ୍ୟା
ଯେଉଁଥିରେ ବଲାଙ୍ଗୀର ବଙ୍ଗୋମୁଣ୍ଡା ବ୍ଲକ ସିଂଧେକେଲା ପଞ୍ଚାୟତରୁ 2ଜଣ ମୁମ୍ବାଇ ଫେରନ୍ତା, ସାଇଁତଲା ବ୍ଲକ ଡେଙ୍ଗ ପଞ୍ଚାୟତର ଜଣେ ଗୁଜରାଟ ଫେରନ୍ତା, ବଲାଙ୍ଗୀର ମ୍ୟୁନିସିପାଲିଟିର 2ଜଣ ପୁନେ ଫେରନ୍ତା, ଲୋଇସିଙ୍ଗା ବ୍ଲକ ତାଲିଉଦାର ପଞ୍ଚାୟତର ଜଣେ ରାୟପୁର ଫେରନ୍ତା,ଟିଟିଲାଗଡ଼ କୁରସୁଡ଼ ପଞ୍ଚାୟତର ଜଣେ ଛାତ୍ର କୋଟା ଫେରନ୍ତା ଓ ବଙ୍ଗୋମୁଣ୍ଡା ବ୍ଲକ ବିରିପାଳିର ଜଣେ ମୁମ୍ବଇ ଫେରନ୍ତା । ପ୍ରବାସୀମାନେ ସମସ୍ତେ କୋରୋନା ଆକ୍ରାନ୍ତ ଥିବାର ଆଜି ଜଣା ପଡିଥିବାର ପ୍ରଶାସନ ସୂଚନା ଦେଇଛି ।