ବଲାଙ୍ଗୀର: ପୁତୁରାର ଗୁଳିମାଡରେ ଖୁଡି ଗୁରୁତର । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ସୋନପୁର ଜିଲ୍ଲା ତରଭାରେ । ଗୁରୁତର ଅବସ୍ଥାରେ ବଡମାଙ୍କୁ ଉଦ୍ଧାର କରାଯାଇ ଭୀମଭୋଇ ମେଡ଼ିକାଲ କଲେଜ ଡାକ୍ତରଖାନାରେ ଭର୍ତ୍ତି କରାଯାଇଛି । ଆହତ ମହିଳା ହେଲେ ତରଭା ନିବାସୀ ଅନୁମା ମହାପାତ୍ର ।
ପୁତୁରାର ଗୁଳିମାଡରେ ବଡମା ଗୁରୁତର
ଅଭିଯୋଗ ଅନୁସାରେ, ଅନୁମା ମହାପାତ୍ର ଆଜି(ରବିବାର) ସକାଳେ ରୋଷେଇ କରୁଥିବା ବେଳେ ତାଙ୍କ ପୁତୁରା ଦେବ ମହାପାତ୍ର ଆସି ପଛପଟୁ ଗୁଳିମାଡ କରିଥିଲେ । ଏହାପରେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ଗୁରୁତର ଅବସ୍ଥାରେ ଅନୁମାଙ୍କୁ କରି ହସ୍ପିଟାଲରେ ଭର୍ତ୍ତି କରିଥିଲେ ପରିବାର ଲୋକେ । ତେବେ ଗୁଳିକାଣ୍ଡର କାରଣ ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇନଥିବା ବେଳେ ତଦନ୍ତ ପରେ ସତ୍ୟ ସାମ୍ନାକୁ ଆସିବ ।