ବରଗଡ: ଅଗଷ୍ଟ 7 ତାରିଖ ହେଉଛି ଜାତୀୟ ହସ୍ତତନ୍ତ ଦିବସ । ଏହି ଦିବସରେ ବରଗଡ ଜିଲ୍ଲାପାଳ ମମତା ବାନାର୍ଜୀ ବରଗଡ ରଙ୍ଗଘର ପଡା ସ୍ଥିତ ସମ୍ବଲପୁରୀ ବସ୍ତ୍ରାଳୟକୁ ପରିଦର୍ଶନ କରିଥିଲେ ଏବଂ ଜନସାଧାରଣଙ୍କୁ ହସ୍ତତନ୍ତ ଲୁଗା ବ୍ୟବହାର କରିବାକୁ ଆବେଦନ କରିଥିଲେ। ତେବେ ଶ୍ରୀମତୀ ବାନାର୍ଜୀ ସମସ୍ତ ହସ୍ତତନ୍ତ କାରୀଗରଙ୍କୁ ଜାତୀୟ ହସ୍ତତନ୍ତ ଦିବସ ଅବସରରେ ଶୁଭେଚ୍ଛା ଜଣାଇଥିଲେ।
ଜାତୀୟ ହସ୍ତତନ୍ତ ଦିବସରେ ବସ୍ତ୍ର ଉପରେ ୧୦% ରୁ ୨୦% ସରକାରୀ ରିହାତି
ସମ୍ବଲପୁରୀ ବସ୍ତ୍ର ପାଇଁ ସାରା ବିଶ୍ଵରେ ବରଗଡ ଜିଲ୍ଲାର ସ୍ଵତନ୍ତ୍ର ପରିଚୟ ରହିଥିବା ବେଳେ ବୁଣାକାର ମାନଙ୍କର କଳାକୃତିର ଯାଦୁଗରୀରେ ଆକୃଷ୍ଟ ହୋଇଥାନ୍ତି ଦେଶବାସୀ । ଏହି ବୁଣାକାର ମାନଙ୍କ ପାଇଁ ଛୋଟ ଛୋଟ ଗାଁଠୁ ଆରମ୍ଭ କରି ରାଜ୍ୟ ପର୍ଯ୍ୟନ୍ତ ଅଗଷ୍ଟ ୭ ତାରିଖକୁ ଜାତୀୟ ହସ୍ତତନ୍ତ ଦିବସ ପାଳନ କରାଯାଇଥାଏ ।