ବଲାଙ୍ଗୀର: ଦେଶରେ ବାଳିକା ଶିକ୍ଷା ପାଇଁ ରାଜ୍ୟ ଓ କେନ୍ଦ୍ର ସରକାରଙ୍କ ରହିଛି ଅନେକ ଯୋଜନା । ମାତ୍ର ଜଣେ ଗରିବ ଭିନ୍ନ କ୍ଷମ ବାଳିକାର ପାଠ ପଢ଼ାରେ ବାଧକ ସାଜିଛି ଅର୍ଥ । ବଲାଙ୍ଗୀର ସଦେଇପାଲି ପଞ୍ଚାୟତର ଗନ୍ଧରେଳ ଗ୍ରାମର ସୁରେଶ ନନ୍ଦଙ୍କ ଝିଅ ଦିଲିଶା ନନ୍ଦ । ଜନ୍ମରୁ ଦିଲିଶା ଭିନ୍ନକ୍ଷମ ଥିବା ବେଳେ ସବୁ କାମ ପାଇଁ ନିଜ ବାପା ମା' ଙ୍କ ସାହାଯ୍ୟ ନେଇଥାନ୍ତି।
ଭିନ୍ନକ୍ଷମ ବାଳିକାଙ୍କ ପାଠ ପଢ଼ାରେ ଅର୍ଥ ସାଜିଛି ବାଧକ
ତେବେ ଏଭଳି ପରିସ୍ଥିତିରେ ମଧ୍ୟ ସେ ପାଠ ପଢ଼ିବାର ଦୃଢ ଇଛା ରଖିଛନ୍ତି । ନିକଟସ୍ଥ ପ୍ରାଥମିକ ବିଦ୍ୟାଳୟରେ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ପଢି ଏବେ ଘରେ ଅଛନ୍ତି । ଆଗକୁ ପଢ଼ିବାର ତାଙ୍କର ଇଛା ଥିଲେ ମଧ୍ୟ ଅର୍ଥାଭାବ ଯୋଗୁଁ ତାହା ସମ୍ଭବ ହୋଇ ପାରୁନାହିଁ।