ଦମ୍ପତ୍ତିଙ୍କୁ ନିଆଁରେ ପୋଡି ହତ୍ୟା ଉଦ୍ୟମ ଅଭିଯୋଗ

ବଲାଙ୍ଗୀର ଜିଲ୍ଲା ବେଲପଡା ବ୍ଲକରେ ଦମ୍ପତ୍ତି ଘରେ ଶୋଇ ଥିବା ବେଳେ ନିଆଁରେ ତାଙ୍କୁ ପୋଡ଼ି ହତ୍ୟା ଉଦ୍ୟମ ଅଭିଯୋଗ। ଗୁରୁତର ଦମ୍ପତ୍ତିଙ୍କୁ ବଲାଙ୍ଗୀର ମେଡିକାଲ୍ ରେ ଭର୍ତ୍ତି। ଅଧିକ ପଢନ୍ତୁ

ବଲାଙ୍ଗୀର:ଦମ୍ପତିଙ୍କୁ ନିଆଁରେ ପୋଡି ହତ୍ୟା ଉଦ୍ୟମ । ବଲାଙ୍ଗୀର ଜିଲ୍ଲା ବେଲପଡ଼ା ବ୍ଲକରେ ଏଭଳି ଘଟଣା ଘଟିଛି । ଦମ୍ପତି ଘରେ ଶୋଇ ଥିବା ବେଳେ ନିଆଁରେ ତାଙ୍କୁ ପୋଡ଼ି ହତ୍ୟା ଉଦ୍ୟମ ଅଭିଯୋଗ । ଏନେଇ ଗୁରୁତର ଦମ୍ପତ୍ତିଙ୍କୁ ବଲାଙ୍ଗୀର ମେଡିକାଲ୍‌ରେ ଭର୍ତ୍ତି କରାଯାଇଛି ।

ଅଭିଯୋଗ ଅନୁସାରେ ବଲାଙ୍ଗୀରର ଭରୁଆଁ ମୁଣ୍ଡା ଗ୍ରାମର ଭାରତ ଭୁଇଁସାଲ ଓ ତାଙ୍କ ପତ୍ନୀ କଳ୍ପନା ଭୁଇଁସାଲ୍ ଗତ ରାତିରେ ତାଙ୍କ କୁଡିଆ ଘରେ ଶୋଇଥିଲେ । ତେବେ ବିଳମ୍ବିତ ରାତିରେ କେହି ଦୁର୍ବୃତ୍ତ ତାଙ୍କ ଘର ଉପରେ କିରାସିନି ଢ଼ାଳି ନିଆଁ ଲଗାଇ ଥିବା ଅଭିଯୋଗ କରିଛନ୍ତି ।

ଅନ୍ୟପଟେ ଏଥିରେ ଉଭୟ ପତି ଓ ପତ୍ନୀ ନିଆଁରେ ପୋଡ଼ି ଗୁରୁତର ହୋଇଥିବା ବେଳେ ତାଙ୍କୁ ଗ୍ରାମବାସୀ ଉଦ୍ଧାର କରିଥିଲେ । ଏହାପରେ ତାଙ୍କୁ ପ୍ରଥମେ ବେଲେପଡା ଡାକ୍ତରଖାନା ଓ ପରେ ପାଟଣାଗଡ ଉପଖଣ୍ଡିୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ପତ୍ନୀଙ୍କ ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ ବଲାଙ୍ଗୀର ଭୀମଭୋଇ ମେଡିକାଲ୍ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ସେପଟେ ଏହାର କୌଣସି ଅଭିଯୋଗ ପୋଲିସ୍ ପାଖରେ ହୋଇନଥିବାର ଜଣା ପଡ଼ିଛି ।

ଇଟିଭି ଭାରତ, ବଲାଙ୍ଗୀର