ବଲାଙ୍ଗୀର: ବେଆଇନ ଭାବରେ ବାହାର ରାଜ୍ୟକୁ ଚାଲାଣବେଳେ ଦାଦନ ଶ୍ରମିକଙ୍କୁ ଉଦ୍ଧାର କଲା କଣ୍ଟାବାଞ୍ଝି ପୋଲିସ । ମୋଟ ୪୨ ଦାଦନ ଶ୍ରମିକକୁ ଉଦ୍ଧାର କରାଯାଇଛି ।
ବାହାର ରାଜ୍ୟକୁ ଚାଲାଣବେଳେ ଦାଦନ ଶ୍ରମିକଙ୍କୁ ଉଦ୍ଧାର କଲା ପୋଲିସ, ଦଲାଲ ଅଟକ
ଦାଦନ ଶ୍ରମିକମାନେ କଣ୍ଟାବାଞ୍ଝି ରେଳଷ୍ଟେସନରୁ ଲିଙ୍କ୍ ଟ୍ରେନରେ ରାଜ୍ୟ ବାହାରକୁ ଦାଦନ ଖଟିବାକୁ ଯିବା ବ୍ୟବସ୍ଥା କରାଯାଇ ଥିଲା । କୌଣସି ସୂତ୍ରରୁ ପୋଲିସ ଖବର ପାଇ ଚଢାଉ କରିଥିଲା। ଦାଦନ ଶ୍ରମିକ ସମେତ ଦଲାଲକୁ ଥାନାରେ ଅଟକ ରଖିଛି ପୋଲିସ । ତେବେ ଆଜି ପୋଲିସ ପାଟ୍ରୋଲିଂ କରୁଥିବା ସମୟରେ ଖବର ପାଇଥିଲା, ଯେଉଁଥିରେ ଖପ୍ରାଖୋଲ ଅଞ୍ଚଳର ଦାଦନ ଶ୍ରମିକମାନେ କଣ୍ଟାବାଞ୍ଝି ରେଳ ଷ୍ଟେସନକୁ ଯାଉଛନ୍ତି । ୩ଗୋଟି ବୋଲେରୋ ଗାଡିରେ ଉକ୍ତ ଶ୍ରମିକମାନେ ଯାଉଥିବା ପୋଲିସ ଜାଣିଥିଲା । ଏହି ଶ୍ରମିକଙ୍କୁ ଚଟୁଅନକା ଗାଁ ପାଖ ରାସ୍ତା ନିକଟର ପୋଲିସ ଠାବ କରିଥିଲା ।