ବଲାଙ୍ଗୀର: ଶିକ୍ଷୟିତ୍ରୀ ମମିତା ମେହେର ହତ୍ୟା ଘଟଣାର ପର୍ଦ୍ଦାଫାଶ କରିବା ସହ ମୁଖ୍ୟ ଅଭିଯୁକ୍ତକୁ ଗିରଫ କରିଛି ପୋଲିସ । ସେପଟେ ମୃତକଙ୍କ ପରିବାର ଲୋକେ ବଲାଙ୍ଗୀର ଏସପି ଓ ଡିଆଇଜିଙ୍କୁ ସାକ୍ଷାତ କରି ଉଚିତ ନ୍ୟାୟ ପାଇଁ କରିଛନ୍ତି ଦାବି । ମମିତାଙ୍କ ହତ୍ୟା ଘଟଣା ସମ୍ପର୍କରେ ବୁଧବାର ପୋଲିସ ଖୁଲାସା କରିଛି । ଯୋଜନାବଦ୍ଧ ଷଡଯନ୍ତ୍ର ଭାବରେ ମମିତାଙ୍କ ହତ୍ୟା କରାଯାଇଥିବା କହିଛି ପୋଲିସ ।
ମହାଲିଙ୍ଗ ହତ୍ୟା ମାମଲା: DIGଙ୍କୁ ଭେଟିଲେ ମୃତ ମମିତାଙ୍କ ପରିବାର
ମଙ୍ଗଳବାର ମୁଖ୍ୟ ଅଭିଯୁକ୍ତ ତଥା କଳାହାଣ୍ଡି ଜିଲ୍ଲା ମହାଲିଙ୍ଗ ସ୍ଥିତ ସ୍କୁଲର ପରିଚାଳକ ଗୋବିନ୍ଦ ସାହୁକୁ ଗିରଫ କରିଥିଲା ପୋଲିସ । ଗୋବିନ୍ଦକୁ କୋର୍ଟ ଚାଲାଣ ପରେ ପାଞ୍ଚ ଦିନିଆ ରିମାଣ୍ଡରେ ଆଣି ପୋଲିସ ଅଧିକ ତଦନ୍ତ ଜାରି ରଖିଛି । ସେପଟେ ମୃତ ମମିତାଙ୍କ ପରିବାର ଲୋକେ ବଲାଙ୍ଗୀର ଆସି ଏସପି ଓ ଡିଆଇଜିଙ୍କୁ ଭେଟିଛନ୍ତି ।