ବଲାଙ୍ଗୀର: ପାଟଣାଗଡ଼ ବ୍ଲକରେ ପାଗଳା କୁକୁର ଆତଙ୍କ । ପାଗଳା କୁକୁର କାମୁଡାରେ ଜଣେ ଶିଶୁର ମୃତ୍ୟୁ ହୋଇଥିବା ବେଳେ ୧୩ ଜଣ ଆହତ ହୋଇଛନ୍ତି । ପାଟଣାଗଡ ବ୍ଲକ ବାଲି ପଟା ଓ କଳଙ୍ଗା ପାଲି ଗ୍ରାମରେ ଏହି ଅଭାବନୀୟ ଘଟଣା ଦେଖିବାକୁ ମିଳିଛି । ଆଜି(ଗୁରୁବାର) ସକାଳୁ ଏକ ବୁଲା କୁକୁର ପ୍ରଥମେ କଲଙ୍ଗା ପାଲି ଗ୍ରାମରେ ଲୋକଙ୍କୁ ଗୋଡ଼ାଇ ଗୋଡ଼ାଇ କାମୁଡି ଥିଲା ।
ପାଟଣାଗଡରେ ପାଗଳା କୁକୁର ଆତଙ୍କ
ସୂଚନା ଅନୁସାରେ, କଲଙ୍ଗା ପାଲି ଏବଂ ବାଲି ପଟା ଗ୍ରାମରେ ଏକ କୁକୁର ବୁଲି ବୁଲି ଲୋକଙ୍କୁ କାମୁଡି ଥିଲା । ଏହାସହ ଘରୁ ବାହାରକୁ ଆସୁଥିବା ଜଣେ ଶିଶୁ କୁ ମଧ୍ୟ ଏହି କୁକୁର କାମୁଡି ଗୁରୁତର କରିଥିଲା । ତେବେ ସମସ୍ତ ଗୁରୁତର ଆହତଙ୍କୁ ପାଟଣାଗଡ଼ ଡାକ୍ତରଖାନାରେ ଭର୍ତ୍ତି କରା ଯାଇଥିବା ବେଳେ ଚିକିତ୍ସାଧୀନ ଅବସ୍ଥାରେ ଶିଶୁଟିର ମୃତ୍ୟୁ ହୋଇଛି । ମୃତ ଶିଶୁ ହେଲେ ଦିପା ମୁଣ୍ଡା । ଅନ୍ୟପଟେ ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଥିବା ବେଳେ ସ୍ଥାନୀୟ ଲୋକ କୁକୁରଟିକୁ ମାରି ଦେଇଥିବା ସୂଚନା ରହିଛି ।