ବଲାଙ୍ଗୀର: ଶୁକ୍ରବାର ଠାରୁ ଜିଲ୍ଲାରେ ମହାଆଡମ୍ବରରେ ପାଳିତ ହେବାକୁ ଯାଉଛି ବିଂଶତମ ବଲାଙ୍ଗୀର ଲୋକଉତ୍ସବ । ସେଥିପାଇଁ ପ୍ରସ୍ତୁତି ସରିଥିବା ବେଳେ ଲୋକକଳା ସଂସ୍କୃତିର ଏହି ମହାମିଳନ ଶୁକ୍ରବାର ଠାରୁ ଆରମ୍ଭ ହେବ। ଏହି ଉତ୍ସବ 6 ତାରିଖ ପର୍ଯ୍ୟନ୍ତ ସ୍ଥାନୀୟ କୋଶଳ କଳାମଣ୍ଡଳରେ ଆୟୋଜିତ ହେବ ।
ଲୋକଉତ୍ସବରେ ଦୁଲୁକିବ ବଲାଙ୍ଗୀର
ଏହି ଉତ୍ସବରେ ଜିଲ୍ଲା ସମେତ ରାଜ୍ୟର 10 ଟି ଜିଲ୍ଲାର ଲୋକନୃତ୍ୟ ଓ ଗୀତ ପ୍ରଦର୍ଶିତ ହେବ । ସେହିପରି ଭାରତର ପୂର୍ବାଞ୍ଚଳ ଓ ଉତ୍ତରାଞ୍ଚଳରୁ 6ଟି ଲୋକନୃତ୍ୟ ଏଥିରେ ପ୍ରଦର୍ଶିତ ହେବ । ଯେଉଁଥିରେ ଆସାମର ବିହୁ ନୃତ୍ୟ, ପଞ୍ଜାବର ଗିବଦା, ଝାଡଖଣ୍ଡର ପାଇକା, ପଶ୍ଚିମବଙ୍ଗର ଝୁମର ଓ ଭାରତ ନାଟ୍ୟମ ଭଳି ଲୋକ ନୃତ୍ୟ ଏଠାରେ ପରିବେଷିତ ହେବ।