ବଲାଙ୍ଗୀର:ଦୀର୍ଘ ଦୁଇ ବର୍ଷ ପରେ ବଲାଙ୍ଗୀରରେ ଅନୁଷ୍ଠିତ ହେବ ଲୋକକଳା ଉତ୍ସବ । କେନ୍ଦ୍ରୀୟ ସଂସ୍କୃତି ବିଭାଗ ଆନୁକୂଲ୍ୟରେ ବଲାଙ୍ଗୀର ଦୁଲଦୁଲି କଳା ପରିଷଦ ଦ୍ବାରା ଏହି ଉତ୍ସବ ଆୟୋଜିତ ହେବ । କୋରାନା କଟକଣା ହ୍ରାସ ହେବାପରେ ଦେଶର ବିଭିନ୍ନ ସ୍ଥାନର ଲୋକ କଳା ଦେଖିବାକୁ ସୁଯୋଜ ପାଇଲେ ଜିଲ୍ଲାବାସୀ ।
ଆସନ୍ତା 26ରୁ ବଲଙ୍ଗୀର ଲୋକ କଳା ଉତ୍ସବ
ବଲାଙ୍ଗୀର କୋଶଳ କଳାମଣ୍ଡଳ ଠାରେ ଆସନ୍ତା 26 ତାରିଖରୁ 28 ତାରିଖ ପର୍ଯ୍ୟନ୍ତ ଲୋକ କଳା ଉତ୍ସବ ପାଳନ ହେବ । ଏଥିରେ ମୋଟ 150ଟି ଲୋକ କଳା ସଂଗଠନ ସାମିଲ ହେବେ ବୋଲି କୁହାଯାଇଛି । ବିହାର, ଝାରଖଣ୍ଡ, ଆସାମ ରାଜ୍ୟର ଲୋକକଳା ସଂଗଠନ ମାନେ ତାଙ୍କର ଲୋକ କଳା ପ୍ରଦର୍ଶିତ କରିବେ । ସେହିପରି ଓଡ଼ିଶାର ବିଭିନ୍ନ ଜିଲ୍ଲାର କଳା ସଂସ୍କୃତିର ନିଦର୍ଶନ ହେବ । ବଲାଙ୍ଗୀର ଜିଲ୍ଲାର ବିଭିନ୍ନ ପ୍ରତିଭାଶାଳୀଙ୍କୁ ସମ୍ମାନିତ କରାଯିବା ନେଇ ଆୟୋଜକଙ୍କ ପକ୍ଷରୁ ସୂଚନା ମିଳିଛି ।