ବଲାଙ୍ଗୀର: ନିକଟରେ ଓଡିଶା ସରକାର କୋରୋନାର ଚିକିତ୍ସା ପାଇଁ ଫାବିଫର ଔଷଧ ଡାକ୍ତରଖାନାଗୁଡିକରେ ମାଗଣାରେ ଦେବାର ଘୋଷଣା କରିଛନ୍ତି । ଏହି ଘୋଷଣା ଅନୁଯାୟୀ ପ୍ରଥମେ କଟକ, ପୁରୀ ଓ ଭୁବନେଶ୍ବରରେ ଏହା ବଣ୍ଟାଯିବାର ନିଷ୍ପତ୍ତି ନିଆଯାଇଛି । ଯାହାକୁ ନେଇ ଜିଲ୍ଲାରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି।
ସରକାରୀ ନିଷ୍ପତ୍ତିରେ ବଲାଙ୍ଗୀରକୁ ଅଣଦେଖା, ତାତିଲା କୋଶଳ ସମନ୍ବୟ ସମିତି
ଏନେଇ ଜିଲ୍ଲା କୋଶଳ ସମନ୍ବୟ ସମିତି ଆଞ୍ଚଳିକ ବୈଷମ୍ୟ ସୃଷ୍ଟି କରାଯାଉଥିବାର ଅଭିଯୋଗ ଆଣିଛି । ତେବେ ବଲାଙ୍ଗୀର ସମେତ ସାରା ପଶ୍ଚିମ ଓଡ଼ିଶାରେ କୋରୋନା ସ୍ଥିତି ଭୟଙ୍କର ହୋଇଥିବା ବେଳେ ଏଠି ମୃତ୍ୟୁ ଓ ଆକ୍ରାନ୍ତଙ୍କ ସଂଖ୍ୟା ବଢି ବଢି ଚାଲିଛି। ଏଭଳି ପରିସ୍ଥିତିରେ ସରକାର ଏ ଅଞ୍ଚଳକୁ ଅଣଦେଖା କରାଯାଉଛି ବୋଲି କୋଶଳ ସମନ୍ବୟ ସମିତି ଅଭିଯୋଗ ଆଣିଛି ।