କେଶରିୟା ହିନ୍ଦୁ ବାହିନୀ ରାଜ୍ୟ ସଭାପତି ଗିରଫ
ବଲାଙ୍ଗୀର: ଚାକିରି କରେଇଦେବା ନାଁରେ ବେକାର ଯୁବକ ଯୁବତୀଙ୍କ ଠାରୁ ଲକ୍ଷାଧିକ ଟଙ୍କା ଠକେଇ । ଗିରଫ ହେଲେ କେଶରିୟା ହିନ୍ଦୁ ବାହିନୀର(Keshariya Hindu Bahini) ରାଜ୍ୟ ସଭାପତି ସନ୍ତୋଷ ଭୋଳ । ଟଙ୍କା ଠକେଇ ଅଭିଯୋଗରେ ଗତକାଲି(ମଙ୍ଗଳବାର) ତାଙ୍କୁ ଗିରଫ କରାଯାଇଛି । ସନ୍ତୋଷ ବିଜେପିର ଜଣେ ଜଣାଶୁଣା ନେତା ସଙ୍ଗେ ସଙ୍ଗେ କେଶରିୟା ବିହାନୀ ରାଜ୍ୟ ସଭାପତି ଅଟନ୍ତି ।
ଅଭିଯୋଗ ଅନୁସାରେ, ବଲାଙ୍ଗୀର ବରକାନି ଗ୍ରାମ ସ୍ଥିତ ଗ୍ୟାସ୍ ବଟଲିଂ ପ୍ଲାଣ୍ଟରେରେ ଚାକିରି କରାଇଦେବାକୁ ସନ୍ତୋଷ ଭୋଳ ଲୋଇସିଂହା ଥାନା ଅଞ୍ଚଳର ୧୦ ଜଣ ଯୁବକଙ୍କୁ ଠାରୁ ୫ ଲକ୍ଷ ୪୯ ହଜାର ଟଙ୍କା ନେଇଥିଲେ । ହେଲେ ପରେ ଏହି ବେକାର ଯୁବକମାନେ କୌଣସି ପ୍ରକାର ଚାକିରି ପାଇନଥିଲେ । ଏନେଇ ସେମାନେ ବଲାଙ୍ଗୀର ସାଇବର ଥାନାରେ ବିଜେପି ନେତାଙ୍କ ବିରୁଦ୍ଧରେ ଲିଖିତ ଅଭିଯୋଗ କରିଥିଲେ । ଏହାପରେ ପୋଲିସ ଗତକାଲି ବିଜେପି ନେତା ତଥା କେଶରୀୟା ହିନ୍ଦୁ ବାହିନୀର ରାଜ୍ୟ ସଭାପତି ସନ୍ତୋଷ ଭୋଳଙ୍କୁ ଗିରଫ କରିଛି ।