ବଲାଙ୍ଗୀର:ସଭ୍ୟ ସମାଜ ପାଇଁ ପୁଣି ଏକ ଲଜ୍ୟାଜନକ ଘଟଣା । ଚୋରି ଅଭିଯୋଗରେ ଜଣେ ବୃଦ୍ଧାଙ୍କୁ ଚପଲ ମାଳ ପିନ୍ଧାଇ ଗାଁ ଗାଁ ବୁଲାଇବା ଭଳି ଘଟଣା ସାମ୍ନାକୁ ଆସିଛି । ଏଭଳି ଘଟଣା ଘଟିଛି ବଲାଙ୍ଗୀର ଜିଲ୍ଲା ସଦର ଥାନା ଅନ୍ତର୍ଗତ ବ୍ରାହ୍ମଣୀ ଡୁଙ୍ଗୁରି ଗ୍ରାମରେ ।
ସୂଚନାଅନୁସାରେ ଡୁଙ୍ଗୁରି ଗ୍ରାମ ଜଣେ 70 ବର୍ଷୀୟ ବୃଦ୍ଧ କୀର୍ତ୍ତନ ଛତ୍ରିଆଙ୍କ ନାଁରେ ଚୋରି ଅଭିଯୋଗ କରି ତାଙ୍କୁ ନିର୍ଯାତନା ଦିଆଯାଇଛି । କିଛି ଦିନ ତଳେ ଗାଆଁର ଜଣକ ଠାକୁର ଘରୁ କିଛି ଚୋରି ହୋଇଥିଲା । ଯାହାକୁ ନେଇ ଗାଆଁ ଲୋକେ ଏହି ବୃଦ୍ଧଙ୍କୁ ସନ୍ଦେହ କରିଥିଲେ । ସନ୍ଦେହି ଆଖିରେ ବୃଦ୍ଧଙ୍କୁ କଙ୍ଗାରୁ କୋର୍ଟରେ ସଜା ଦେଇଛନ୍ତି ।
ଅସହାୟ 70ବର୍ଷୀୟ ବୃଦ୍ଧଙ୍କୁ ଚପଲ ମାଲ ପିନ୍ଧାଇ ,ହାତକୁ ଦଉଡିରେ ବାନ୍ଧି ମୁହଁରେ ରଙ୍ଗ ବୋଲି ଗାଁ ସାରା ବୁଲାଇ ଥିଲେ । ଯାହା ଅତ୍ୟନ୍ତ ନିନ୍ଦନୀୟ । ଯାହାର ଭିଡିଓ ଏବେ ଭାଇରାଲ ହୋଇଛି । ପୋଲିସ ଭିଡିଓକୁ ଆଧାର କରି ଏକ ମାମଲା ରୁଜୁ କରିଛି । ଘଟଣାରେ ଗାଁର ଜଣକୁ ଗିରଫ କରି ଅଧିକ ତଦନ୍ତ ଜାରି ରଖିଛି । ତେବେ ପୋଲିସ ଆଇନ ଥିବା ସତ୍ତ୍ୱେ ଲୋକେ ଜଣେ ବୃଦ୍ଧଙ୍କୁ ଏଭଳି ସଜା ଦେବା ଘଟଣାକୁ ସବୁଠି ନିନ୍ଦା କରାଯାଇଛି । ଶିକ୍ଷିତ ସମାଜରେ ଏପରି ଘଟଣା ଅତ୍ୟନ୍ତ ନିନ୍ଦନୀୟ ।