ବଲାଙ୍ଗୀର: ପୁରୀ ଶ୍ରୀମନ୍ଦିର ଚାରି ଦ୍ୱାର ଖୋଲିବାକୁ ନେଇ ଅଲଟିମେଟମ ଦେଲା ଓଡ଼ିଶା ଜଗନ୍ନାଥ ସେନା । ଜାନୁଆରୀ 3 ପରେ ଚାରିଦ୍ୱାର ସହ ରତ୍ନ ଭଣ୍ଡାର ଖୋଲିବା ଓ ମରାମତି ପାଇଁ ଦାବି ହୋଇଛି । ଦାବି ପୂରଣ ନହେଲେ ତୀବ୍ର ଆନ୍ଦୋଳନର ଚେତାବନୀ ଦେଲା ଜଗନ୍ନାଥ ସେନା । ମନ୍ଦିରର ରତ୍ନ ଭଣ୍ଡାର ଭଗ୍ନ ଅବସ୍ଥାରେ ଥିବା ଆଖିକୁ ସ୍ୱଚ୍ଛ ଭାବରେ ଜଣା ପଡୁଥିବା ବେଳେ ଲେଜର ସ୍କାନିଂ କରି ଲୋକଙ୍କୁ ଭୁଆଁ ବୁଲା ଯାଉଥିବା ଜଗନ୍ନାଥ ସେନା ଅଭିଯୋଗ କରିଛି ।
ପୁରୀ ଶ୍ରୀମନ୍ଦିର ଚାରିଦ୍ୱାର ଖୋଲିବା ଦାବି ସହ ରତ୍ନ ଭଣ୍ଡାର ଖୋଲିବା ଓ ମରାମତି ଦାବି କରିଛନ୍ତି ଓଡ଼ିଶା ଜଗନ୍ନାଥ ସେନା । ଜାଗରଣ ଯାତ୍ରାରେ ଆଜି ବଲାଙ୍ଗୀରରେ ଆସି ପହଞ୍ଚିଛନ୍ତି । ତେବେ ଦାବି ପୁରଣ ନହେଲେ ଆଗକୁ ତୀବ୍ର ଆନ୍ଦୋଳନର ଚେତାବନୀ ମଧ୍ୟ ଦେଇଛନ୍ତି । ଜିଲ୍ଲାର ବିଭିନ୍ନ ସଂଗଠନ ସହିତ ଏମାନେ ଆଲୋଚନା କରିବା ସହ ଜଗନ୍ନାଥ ସଂସ୍କୃତି ଜଗନ୍ନାଥ ପ୍ରେମୀ ସହିତ ଆଲୋଚନା କରିଛନ୍ତି । ତେବେ ଜାନୁଆରୀ ତିନି ତାରିଖ ପରେ ଶ୍ରୀମନ୍ଦିର ଚାରି ଦ୍ୱାର ଖୋଲିବା ଓ ରତ୍ନ ଭଣ୍ଡାର ଖୋଲିବା ସହ ମରାମତି ଶୀଘ୍ର କରାଯିବାର ଦାବି ରଖାଯାଇଛି । ତେବେ ଏହି ଜାଗରଣ ଯାତ୍ରା ଅକ୍ଟୋବର ଆଠ ତାରିଖରୁ ଗଞ୍ଜାମରୁ ଆରମ୍ଭ ହୋଇଥିଲା । ଖୋର୍ଦ୍ଧା, କଟକ, କେନ୍ଦ୍ରାପଡ଼ା, କୋରାପୁଟ, ନବରଙ୍ଗପୁର, ରାୟଗଡ଼ା, ଓ ସମ୍ବଲପୁର ପରେ ଏବେ ବଲାଙ୍ଗୀରରେ ଆସି ଜଗନ୍ନାଥ ପହଞ୍ଚିଛି ।