ବଲାଙ୍ଗୀର: ଋଷ ୟୁକ୍ରେନ ଉପରେ ଆକ୍ରମଣ ଜାରି ରଖିଛି ଏବଂ ୟୁକ୍ରେନର ରାଜଧାନୀ କିଭକୁ ଚାରିପଟରୁ ଘେରି ରଖିଛି । ଅନ୍ୟପଟେ ଏଠି ଫସିଥିବା ଭାରତୀୟ ଛାତ୍ରଛାତ୍ରୀ ନାନାଦି ସମସ୍ୟାର ସମ୍ମୁଖୀନ ହେଉଥିବା ବେଳେ ଶତାଧିକ ଛାତ୍ରଛାତ୍ରୀ ଏବେ ୟୁକ୍ରେନ ଓ ପୋଲାଣ୍ଡ ସୀମାରେ ପ୍ରବଳ ଥଣ୍ଡାରେ ଫସି ରହିଛନ୍ତି ଏବଂ ସେମାନଙ୍କୁ ଶୀଘ୍ର ଉଦ୍ଧାର କରିବାକୁ ନିବେଦନ କରିଛନ୍ତି ।
ପୋଲାଣ୍ଡ ସୀମାରେ ଫସିଥିବା ଛାତ୍ରଙ୍କୁ ଉଦ୍ଧାର ପାଇଁ ଦାବି
ଏପରିକି ଶତାଧିକ ଭାରତୀୟ ଛାତ୍ରଛାତ୍ରୀ ଏବେ ପୋଲାଣ୍ଡ ଓ ୟୁକ୍ରେନ ସୀମାରେ ବିଯୁକ୍ତ ୨ ଡିଗ୍ରୀ ତାପମାତ୍ରାରେ ଫସିରହିଥିବାର ଜଣାପଡ଼ିଛି । ତେବେ ୟୁକ୍ରେନ ନାବିବ ରାଜ୍ୟରେ ଥିବା ଭାରତୀୟ ଛାତ୍ରଛାତ୍ରୀଙ୍କୁ ପୋଲାଣ୍ଡର ଭାରତୀୟ ସମୂହ ପୋଲାଣ୍ଡ ଆସିବା ପାଇଁ ସୂଚନା ଦେଇଥିଲେ । ଯାହାପରେ ଏଠି ଅଧ୍ୟୟନରତ ଛାତ୍ରଛାତ୍ରୀ ନିଜସ୍ୱ ଖର୍ଚ୍ଚରେ ଗାଡ଼ି ଯୋଗାଡ କରି ୟୁକ୍ରେନ ଓ ପୋଲାଣ୍ଡ ସୀମା ସ୍ଲିଯିସ୍କି ପାଖକୁ ଯିବା ପାଇଁ ବାହାରି ଆସିଥିଲେ ।