ବଲାଙ୍ଗୀରରେ ବେଆଇନ କଫ ସିରପ ଜବତ, 3 ଗିରଫ

ବଲାଙ୍ଗୀର ଟାଉନ ପୋଲିସକୁ ସଫଳତା । ବେଆଇନ କଫ ସିରପ ବୋତଲ ଜବତ କରିବା ସହ 3 ଜଣଙ୍କୁ ଗିରଫ କରିଛି ପୋଲିସ । ପଢନ୍ତୁ ସମ୍ପୂର୍ଣ୍ଣ ରିପୋର୍ଟ...

ବଲାଙ୍ଗୀର: ଟାଉନ ପୋଲିସ ଏକ ଦୋକାନ ଉପରେ ଚଢାଉ କରି ବେଆଇନ ବିକ୍ରି ହେଉଥିବା କଫ ସିରପ ଜବତ କରିବା ସହ ତିନି ଜଣଙ୍କୁ ଗିରଫ କରିଛି। ସ୍ଥାନୀୟ ରାଜ ମନ୍ଦିର ନିକଟରେ ଏକ ପାନ ଦୋକାନରେ ଏସକଫ ଓ ଅନେକ୍ସ କଫ ସିରପ ବିକ୍ରି ହେଉଥିବାର ପୋଲିସ ଖବର ପାଇଥିଲା।

ତେବେ ବୁଧବାର ଅତର୍କିତ ଚଢାଉ କରି ପୋଲିସ ଏହି ଦୋକାନରୁ ଏସକଫ ଓ ଅନେକ୍ସ କଫ ସିରପ 14ଟି ବୋତଲ ଜବତ କରିଥିଲା । ଯାହା ଏବେ ଜିଲ୍ଲାରେ ବ୍ୟାନ ଅଛି । ଏଥିସହ ଏଥିରେ ସମ୍ପୃକ୍ତ ଥିବା ତିନି ଜଣ ଯଥା,ସମୀର ନାୟକ, ପଙ୍କଜ ସାହୁ ଓ ଶରଣୀଧର ସାହୁକୁ ପୋଲିସ ଗିରଫ କରିଥିଲା । ତେବେ ସହରରେ ଅବାଧ ବିକ୍ରି ହେଉଥିବା କଫ ସିରପ ଉପର ଚଢାଉ ଜାରି ରଖିଥିବା ବେଳେ, ପୋଲିସ ପୁଣି ଏହି ସଫଳତା ମିଳିଛି ।

ବଲାଙ୍ଗୀରରୁ ଶେଖ ମହମ୍ମଦ ୱାହିଦ୍, ଇଟିଭି ଭାରତ