ବଲାଙ୍ଗୀର: ଜମି ବିବାଦକୁ ନେଇ ହତ୍ୟାକାଣ୍ଡ, ଜଣେ ମୃତ ଛଅ ଆହତ । ଏଭଳି ଅଭାବନୀୟ ଘଟଣା ଘଟିଛି ବଲାଙ୍ଗିର ଜିଲ୍ଲା ଲୋଇସିଂହା ଥାନା କୁଟୁରାପାଲି ଗାଁରେ । ସେମାନଙ୍କ ମଧ୍ୟରୁ ୨ ଗୁରୁତର ଆହତଙ୍କୁ ବଲାଙ୍ଗୀର ଭୀମଭୋଇ ମେଡିକାଲରେ ଭର୍ତ୍ତି କରାଯାଇଛି।
ସୂଚନାଅନୁଯାୟୀ ଜମି ବିବାଦକୁ ନେଇ ବଲାଙ୍ଗିର ଜିଲ୍ଲା ଲୋଇସିଂହା ଥାନା ଅନ୍ତର୍ଗତ କୁଟୁରାପାଲି ଗାଁରେ ଦୁଇ ଗୋଷ୍ଠୀ ମଧ୍ୟରେ ରକ୍ତାକ୍ତ ସଂଘର୍ଷ ଘଟିଛି । ଆଜି ସକାଳେ କୁଟୁରାପାଲିରେ ବିବାଦୀୟ ଜମିରେ ମକରଧ୍ବଜ ଓ ତାଙ୍କ ଗୋଷ୍ଠୀ ଧାନ ବୁଣିବାକୁ ଯାଇଥିଲେ। ହେଲେ ଏହାକୁ ଅନ୍ୟଏକ ଗୋଷ୍ଠୀ ପ୍ରସନ୍ନ ବାଗ ଓ ତାଙ୍କ ଭାଇ ମାନେ ବିରୋଧ କରିଥିଲେ। ଏଥିରେ ଉତ୍ତ୍ୟକ୍ତ ହୋଇ ମକରଧ୍ବଜଙ୍କ ଗୋଷ୍ଠୀ ପ୍ରସନ୍ନଙ୍କ ଗୋଷ୍ଠୀ ଉପରେ ଟାଙ୍ଗିଆରେ ଆକ୍ରମଣ କରିଥିଲେ। ଉଭୟ ପକ୍ଷରୁ ଆକ୍ରମଣ ପ୍ରତିଆକ୍ରମଣ ହୋଇଥିଲା। ଘଟଣାସ୍ଥଳରେ ପ୍ରସନ୍ନ ବାଗଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଦୁଇ ଭାଇ ଦଶରଥ ଓ କସରତ ବାଗ ଗୁରୁତର ଆହତ ହୋଇଛନ୍ତି। ଏଥିସହ ଘଟଣାରେ ଅନ୍ୟ ଗୋଷ୍ଠୀର ୪ ଜଣ ମଧ୍ୟ ଆହତ ହୋଇଛନ୍ତି।