ବଲାଙ୍ଗୀର: କୁଖ୍ୟାତ ଅପରାଧୀ ଗରିବ ପାଣ୍ଡେ ହତ୍ୟା ମାମଲାରେ ୩ ଗିରଫ(Garib Pandey Death Case Balangir) । ଏଥିସହ ଗୋଟିଏ ଅଟୋ ଓ ଦୁଇଟି ବାଇକ୍ ଜବତ କରିଛି ପୋଲିସ । ପୂର୍ବ ଶତ୍ରୁତାକୁ କେନ୍ଦ୍ର କରି ଯୋଜନାବଦ୍ଧ ଭାବେ ପାଣ୍ଡେକୁ ହତ୍ୟା କରାଯାଇଥିବା ସୂଚନା । ଗିରଫ ଅଭିଯୁକ୍ତମାନେ ହେଲେ ବଲାଙ୍ଗୀର ତେଲିଗୋଡପଡ଼ାର ଇଦୁଲ ଖାନ, ସାଲେପାଲିର ସିଦ୍ଧାନ୍ତ ସେଠ ଓ ସୁଦ୍ଦିନ ଜାନି ।
ସୂଚନା ଅନୁସାରେ ଗତ ୧୪ ତାରିଖ ରାତିରେ ମୃତ ଗରିବଙ୍କ ସମେତ ୩ ଅଭିଯୁକ୍ତ ଏକାଠି ବସିଥିଲେ । ଏହି ସମୟରେ ପୂର୍ବରୁ କୌଣସି ମାମଲାକୁ ନେଇ ଏମାନଙ୍କ ମଧ୍ୟରେ ମାରପିଟ ହୋଇଥିଲା । ଯାହାପରେ ଗିରଫ ୩ ଅଭିଯୁକ୍ତ ମିଶି ଗରିବକୁ ଧୋତିରେ ତଣ୍ଟିଚିପି ହତ୍ୟା କରି ସହରରୁ ଏକ ଅଟୋ ଯୋଗେ ମୃତଦେହକୁ ନେଇ ତୁଶୁରା ତେଲ ନଦୀରେ ଫିଙ୍ଗି ଦେଇଥିଲେ । ପୋଲିସ ନଦୀପଠାରୁ ମୃତଦେହ ଉଦ୍ଧାର କରି ବ୍ୟବଚ୍ଛେଦ କରିବା ପରେ ଏହା ଏକ ହତ୍ୟାକାଣ୍ଡ ଏବଂ ମୃତକ ଜଣକ ଗରିବ ପାଣ୍ଡେର ବୋଲି ଜାଣିବାକୁ ପାଇଥିଲା । ଏନେଇ ତୁସୁରା ଥାନାରେ ହତ୍ୟା ମାମଲା ରୁଜୁ କରି ପୋଲିସ ତଦନ୍ତ ଆରମ୍ଭ କରିଥିଲା ।