ନିଆଁ ଆଁରେ ଛାରଖାର ଫଳବଜାର

ବଲାଙ୍ଗୀର ଫଳବଜାରରେ ଅଗ୍ନିକାଣ୍ତ । ଜଣେ ଗୁରୁତର, ମେଡିକାଲରେ ଭର୍ତ୍ତି । ତଦନ୍ତ ଜାରି । ଅଧିକ ପଢନ୍ତୁ...

ବଲାଙ୍ଗୀର:ବଲାଙ୍ଗୀର ଫଳବଜାରରେ ନିଆଁ ଲାଗି ସମ୍ପୂର୍ଣ ବଜାର ଜଳି ଛାରଖାର ହୋଇଯାଇଛି। ଏଥରେ ଜଣେ ଫଳ ବ୍ୟବସାୟୀ ଗୁରୁତର ହୋଇଛନ୍ତି । ତାଙ୍କୁ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି । ଅଗ୍ନିକାଣ୍ତର କାରଣ ଅସ୍ପଷ୍ଟ ଥିବା ବେଳେ ଲକ୍ଷାଧିକ ଟଙ୍କାର ସମ୍ପତ୍ତି ଜଳି ନଷ୍ଟ ହୋଇଯାଇଛି । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି ।

ସୂଚନା ଅନୁସାରେ, ଫଳବଜାରରେ କୈଣସି କାରଣରୁ ନିଆଁ ଲାଗି ଯାଇଥିଲା । ନିଆଁ ଲାଗିଥିବା ଦେଖି ସ୍ଥାନୀୟ ଲୋକେ ଦମକଳ ବାହିନୀକୁ ଖବର ଦେଇଥିଲେ । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିବା ସହ ପୋଲିସ ଘଟଣାର ତଦନ୍ତ ଜାରି ରଖିଛି । ତେବେ, ଏହି ଅଗ୍ନିକାଣ୍ତରେ ଗରିବ ଫଳ ବ୍ୟବସାୟୀ ସର୍ବସ୍ବାନ୍ତ ହୋଇଥିବା କହିଛନ୍ତି।

ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ