ବଲାଙ୍ଗୀର: ଧାନ କିଣାରେ ଅବ୍ୟବସ୍ଥା ନେଇ ବଢୁଛି ଚାଷୀଙ୍କ ଅସନ୍ତୋଷ । ଏନେଇ ଯୋଗାଣ ଅଧିକାରୀଙ୍କୁ ଦୀର୍ଘ ସମୟ ଧରି ଘେରାଉ କରିଥିଲେ ବଲାଙ୍ଗୀରର ଶତାଧିକ ଚାଷୀ । ବଲାଙ୍ଗୀର ଆଗଲପୁର ଦୁଦୁକା ଅଞ୍ଚଳର ଶତାଧିକ ଚାଷୀ ବଲାଙ୍ଗୀର ଯୋଗାଣ ବିଭାଗର କାର୍ଯ୍ୟାଳୟକୁ ଧସେଇ ପଶିବା ସହ ସିଏସଓ ବା ଯୋଗାଣ ଅଧିକାରୀଙ୍କୁ ଅଟକ ରଖିଥିଲେ ।
ବଲାଙ୍ଗୀରରେ ଯୋଗାଣ ଅଧିକାରୀଙ୍କୁ ଘେରାଓ
ଏହି ଘେରାଉ ସମୟରେ ସିଏସଓ କାର୍ଯ୍ୟାଳୟର କାମ ସମ୍ପୁର୍ଣ୍ଣ ଠପ ହେବା ସହ ଧାନ ନକିଣିବା ପର୍ଯ୍ୟନ୍ତ ଏମାନେ ସିଏସଓଙ୍କୁ ଛାଡିବେ ନାହିଁ ବୋଲି କହିଥିଲେ। ତେବେ ସିଏସଓଙ୍କ ପ୍ରତିଶୃତି ପରେ ଏମାନେ କିଛି ଦିନର ମହଲତ ଦେବା ସହ ଘେରାଉ କରିଥିଲେ।
ତେବେ ଏମାନଙ୍କ ଅଞ୍ଚଳରେ ଥିବା ପ୍ୟାକ୍ସକୁ ଧାନ କିଣିବା ପାଇଁ ଟାର୍ଗେଟ ଦିଆ ଯାଉନଥିବାରୁ ପ୍ୟାକ୍ସମାନେ ଚାଷୀଙ୍କ ଠାରୁ ଧାନ କିଣୁ ନାହାନ୍ତି । ସେହିପରି ମିଲରମାନେ ମଧ୍ୟ ଚାଷୀଙ୍କ ଧାନ ଉଠାଉ ନଥିବାର ଏମାନେ ଅଭିଯୋଗ କରିଛନ୍ତି। ଯାହାଫଳରେ ଏମାନଙ୍କ କଷ୍ଟ ଉପାର୍ଜିତ ଧାନ ଏବେ ନଷ୍ଟ ହେଉଛି ।