ବଲାଙ୍ଗୀର: ଜିଲ୍ଲାର ବିଭିନ୍ନ ଜଳାଶୟରେ ଏବେ ବିପୁଳ ସଂଖ୍ୟାରେ ବିଦେଶୀ ପକ୍ଷୀ ଦେଖିବାକୁ ମିଳିଛନ୍ତି । ଯାହାକୁ ନେଇ ପକ୍ଷୀ ପ୍ରେମୀ ଉତ୍ସାହିତ ଥିବା ବେଳେ ଏମାନଙ୍କର ସୁରକ୍ଷା ପାଇଁ ବି ଦାବି ହୋଇଛି । ବଲାଙ୍ଗୀରର କୃପା ସାଗର, କରଙ୍ଗା କଣ୍ଟା ପୋଖରୀ ଓ କନ୍ଧ ପାଲି ସାଗର ମୁଖ୍ୟ ଅଟେ । ଏହି ସବୁ ଜଳାଶୟରେ ବର୍ତ୍ତମାନ ଭଳିକି ଭଳି ରଙ୍ଗ ବେରଙ୍ଗ ପକ୍ଷୀଙ୍କୁ ଦେଖିବାକୁ ମିଳୁଛି ।
ବଲାଙ୍ଗୀର ଜଳାଶୟ ମାନଙ୍କରେ ବିଦେଶାଗତ ପକ୍ଷୀଙ୍କ ଭିଡ
ଯାହାକୁ ଦେଖିବା ପାଇଁ ସାଧାରଣ ଲୋକଙ୍କ ଭିଡ଼ ଜମୁଥିବା ବେଳେ ପକ୍ଷୀପ୍ରେମୀ ବେଶ୍ ଉତ୍ସାହିତ ହୋଇଛନ୍ତି । ତେବେ ଗତ ଚାରିବର୍ଷରେ ଏଭଳି ପକ୍ଷୀ ଏ ଅଞ୍ଚଳକୁ ଆସୁ ନ ଥିଲେ ହେଲେ ଏବର୍ଷ ଭଲ ବର୍ଷା ଯୋଗୁଁ ସବୁ ଜଳାଶୟରେ ପର୍ଯ୍ୟାପ୍ତ ପାଣି ଥିବା ସହ ପରିବେଶ ଏହି ପକ୍ଷୀ ମାନଙ୍କୁ ବେଶ୍ ସୁହାଇ ଥିବାର ଜଣାପଡିଛି । ସେପଟେ ଏସବୁ ର ଫାଇଦା କିଛି ଅସାଧୁ ଲୋକ ଉଠାଉଛନ୍ତି ଏବଂ ଅବାଧ ଶିକାର ଏମାନଙ୍କ ପାଇଁ ଏବେ ବିପଦ ସାଜିଛି । ଯାହାକୁ ନେଇ ଅସନ୍ତୋଷ ପ୍ରକାଶ ପାଇଛି ।