ବଲାଙ୍ଗୀର:ଇଟିଭି ଭାରତର ଖବର ପ୍ରସାରଣର ପ୍ରଭାବ। ଧାନ କିଣା ଦୁର୍ନୀତିର ଖବର ପ୍ରସାରଣ ପରେ ଦୁର୍ନୀତି ଅଭିଯୋଗରେ ନିଲମ୍ବିତ ହେଲେ ପେକ୍ସ ସମ୍ପାଦକ। ଜିଲ୍ଲା ବେଲପଡ଼ା ବ୍ଲକ ସରମୁହାଣ ପେକ୍ସରେ ଧାନ କିଣାରେ ବ୍ୟାପକ ଦୁର୍ନୀତି ହୋଇଥିବା ଅଭିଯୋଗ ହୋଇଥିଲା। ସମ୍ପାଦକ ତପନ ମେହେର ଚାଷୀଙ୍କ ନାମରେ ଜାଲ କାଗଜ ପତ୍ର କରିଥିଲେ। ତାଙ୍କ ଅଜାଣତରେ ଲକ୍ଷାଧିକ ଟଙ୍କାର ଧାନ ବିକ୍ରି କରି ଟଙ୍କା ହଡ଼ପ କରିଥିବା ଅଭିଯୋଗ ସାମ୍ନାକୁ ଆସିଥିଲା।
ଇଟିଭି ଭାରତ ପ୍ରଭାବ, ଚାକିରୀରୁ ବିଦା ହେଲେ ଦୁର୍ନିତୀଗ୍ରସ୍ତ ପେକ୍ସ ସମ୍ପାଦକ
ଚାଷୀଙ୍କ ଅଜାଣତରେ ଲକ୍ଷାଧିକ ଟଙ୍କାର ଧାନ ବିକ୍ରି କରିବା ସହ ଟଙ୍କା ହଡ଼ପ କରିଥିଲେ ବେଲପଡ଼ା ବ୍ଲକ ସରମୁହାଣ ପେକ୍ସ ସମ୍ପାଦକ। ସୂଚନା ଅଧିକାର ତଥ୍ୟରୁ ଏହା ସ୍ପଷ୍ଟ ହୋଇଥିଲା। ସାଧୁ ପଟେଲ ନାମକ ଜଣେ ଚାଷୀଙ୍କ ନାମରେ ପାଞ୍ଚ ଏକର ଜମିରେ କାଗଜ ପତ୍ର ଏପଟ ସେପଟ କରି 282 କ୍ବିଣ୍ଟାଲ ଧାନ ବିକ୍ରି କରାଯାଇଥିଲା। ଏହିଭଳି ଭାବରେ ଆହୁରି ତିନି ଜଣ ଚାଷୀଙ୍କ ନାଆରେ ମଧ୍ୟ ଧାନ ବିକ୍ରି କରାଯାଇଥିବା ଘଟଣା ସାମ୍ନାକୁ ଆସିଥିଲା।