ବଲାଙ୍ଗୀର: ଜିଲ୍ଲାର ବିଭିନ୍ନ ସ୍ଥାନରେ ଧୁମଧାମ୍ରେ ପାଳିତ ହୋଇଛି ରଥ ଯାତ୍ରା । ବଲାଙ୍ଗୀର ଦେଵୋତ୍ତର ବିଭାଗ ଦ୍ବାରା ପରିଚାଳିତ ହୋଉଥିବା ଆଠ ଗାଁ ଜଗନ୍ନାଥ ମନ୍ଦିର ଓ ଗୋପାଳଜି ଜଗନ୍ନାଥ ମନ୍ଦିରରେ ସମସ୍ତ ରୀତିନିତୀ ଓ ପରମ୍ପରା ଅନୁସାରେ ରଥ ଯାତ୍ରା ପାଳନ ହୋଇ ଯାଇଛି । ଏନେଇ ଗୁରୁବାର ତିନି ଠାକୁରଙ୍କ ରଥ ବିଜେ ପରେ ରଥଯାତ୍ରା ଅନୁଷ୍ଠିତ ହୋଇଥିଲା । ଯାହାକୁ ଦେଖିବା ପାଇଁ ହଜାର ହଜାର ଲୋକଙ୍କ ସମାଗମ ହୋଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ବଲାଙ୍ଗୀର
ଜିଲ୍ଲାର ଗୋପାଳଜି ମନ୍ଦିରରେ ଏସପି କେ ସୁବ୍ରମନ୍ୟମ , ଜିଲ୍ଲାପାଳ ଅରିନ୍ଦମ ଡାକୁଆ, ଉପଜିଲ୍ଲାପାଳ ଉପେନ୍ଦ୍ର ପଟେଲ ପ୍ରମୁଖ ଛେରା ପହଁରା କରିଥିଲେ । ଏହି ସମୟରେ ବଲାଙ୍ଗୀର ବିଧାୟକ ନରସିଂହ ମିଶ୍ର ମଧ୍ୟ ଉପସ୍ଥିତ ରହି ମହାପ୍ରଭୁଙ୍କ ଦର୍ଶନ କରିଥିଲେ । ତେବେ ତିନି ମୂର୍ତ୍ତୀଙ୍କ ରଥ ବିଜେ ହେବୀ ପରେ ରଥ ଯାତ୍ରା ଅନୁଷ୍ଠିତ ହୋଇଥିଲା ।