ବଲାଙ୍ଗୀର: ଜିଲ୍ଲାର କଣ୍ଟାବାଞ୍ଜି ସହର ନିକଟରେ ଥିବା ଡୁମେର ଚୁଆଁ ଡ୍ୟାମ ମଧ୍ୟରୁ ଏକ ହାତୀଛୁଆର ମୃତଦେହ ଉଦ୍ଧାର ହୋଇଛି। କାଦୁଅରେ ଫସି ହାତୀଛୁଆର ମୃତ୍ୟୁ ହୋଇଥିବା ସନ୍ଦେହ କରାଯାଉଥିବାବେଳେ ବନବିଭାଗ ତଦନ୍ତ ଜାରି ରଖିଛି ।
ଡ୍ୟାମ ମଧ୍ୟରୁ ହାତୀଛୁଆର ମୃତଦେହ ଉଦ୍ଧାର
ଶୁକ୍ରବାର ରାତ୍ରି ସମୟରେ 29ଟି ହାତୀ କଣ୍ଟାବାଞ୍ଜି ସହର 14 ନମ୍ବର ୱାର୍ଡ ମହାବୀର ରେସିଡେନ୍ସି ପାଖରେ ରହିଥିବା ବେଳେ ସାରା ରାତି ପୋଲିସ, ବନ ବିଭାଗ ଓ ସ୍ଥାନୀୟ ଲୋକମାନେ ହାତୀପଲଙ୍କୁ ଘଉଡାଇବା ପାଇଁ ଚେଷ୍ଟା କରିଥିଲେ। ତେବେ ଶନିବାର ଅପରାହ୍ନରେ ଏହି ହାତୀପଲ ଜଙ୍ଗଲକୁ ଫେରି ଯାଇଥିବା ବେଳେ ଏହି ଡ୍ୟାମ ମଧ୍ୟରେ ହାତୀଛୁଆର ମୃତଦେହ ପଡ଼ିଥିବା ସ୍ଥାନୀୟ ଲୋକମାନେ ଦେଖି ବନବିଭାଗକୁ ଖବର ଦେଇଥିଲେ।