ବଲାଙ୍ଗୀର: ବଲାଙ୍ଗୀରରେ ଆଜି ଅତି ହର୍ଷ ଉଲ୍ଲାସରେ ପବିତ୍ର ଇଦ ପର୍ବ ପାଳନ ହୋଇଛି । ଏଥିପାଇଁ ସାମୂହିକ ନମାଜ ପାଠ ପଢିବା ସହ ପରସ୍ପରକୁ ଇଦର ଶୁଭେଚ୍ଛା ଦେଇଛନ୍ତି ସବୁ ମୁସଲମାନ ଭାଇଭଉଣୀ । ମୁସଲମାନମାନଙ୍କର ବଡ ପର୍ବ ଇଦଉଲ ଫିତର ଆଜି ସାରା ବିଶ୍ୱରେ ପାଳିତ ହେଉଛି । ଯେଉଁଥିରେ ରମଜାନ ମାସର ଆରମ୍ଭରୁ ଏକ ମାସ ରୋଜା ଉପବାସ ରଖି ଥାଆନ୍ତି ସବୁ ମୁସଲମାନେ ।
ମୁସଲମାନ ଭାଇମାନେ ମସଜିଦରେ ସାମୁହିକ ନମାଜ ପାଠ କରିଥାନ୍ତି । ଏହି ମାସର ରୋଜା ଉପବାସ ପରେ ପବିତ୍ର ଇଦ ଉଲ ଫିତର ପାଳନ କରିଥାନ୍ତି । ରମଜାନ ମାସ ଶେଷ ହେବା ପରେ ତିନି ଦିନ ଧରି ପାଳନ ହେବ ଏହି ପବିତ୍ର ପର୍ବ ଇଦ ବା ଇଦ୍-ଉଲ୍-ଫିତର୍ । ପରମ୍ପରା ମୁତାବକ ଇଦରେ ସମସ୍ତ ପରିବାର ସଦସ୍ୟ ମାନେ ନୂଆ ପିନ୍ଧିବ । ଆଉ ଘରେ ଘରେ ଜମିବ ସୁସ୍ବାଦୁ ଖାଦ୍ୟର ଆସର। ଯାହାକୁ କି ବିଶ୍ବ ବ୍ୟାପୀ ମୁସଲମାନ ସଂପ୍ରଦାୟର ଲୋକେ ବେଶ ଉତ୍କଣ୍ଠାର ସହ ଚାହିଁ ରହିଥାନ୍ତି। ତେବେ ଦାନ ଧର୍ମର ଏହି ଫିତର ପର୍ବରେ ଏମାନେ ଗରିବଙ୍କୁ ପିତ୍ରା ବା ଦାନ ଦେଇଥାଆନ୍ତି । ବଲାଙ୍ଗୀରରେ ମଧ୍ୟ ଆଜି ହଜାର ହାଜାର ମୁସିଲମ ଭାଇ ସ୍ଥାନୀୟ ସୁନ୍ନି ସଦର ମସଜିଦରେ ସାମୁହିକ ନମାଜ ପାଠ କରି ଇଦ ଉଲ ଫିତର ପାଳନ କରିଛନ୍ତି ।