ବଲାଙ୍ଗୀର: ଦୀର୍ଘ ଦିନର ହେବ ଜିଲ୍ଲାରେ ଚାଲିଛି ନାମୀଦାମୀ କମ୍ପାନୀର ନକଲି ସାମ୍ପୁ ବିକ୍ରି । ପୋଲିସର ଚଢ଼ାଉ ପରେ ଏହା ସ୍ପଷ୍ଟ ହୋଇଥିବା ବେଳେ ସାମ୍ପୁ ନାଁରେ ବିଷ ବିକ୍ରି ହେଉଥିବା ଅଭିଯୋଗ ହୋଇଛି । କଣ୍ଟାବାଞ୍ଜି ଅଞ୍ଚଳରେ ନକଲି ସାମ୍ପୁ ଗଛିତ ଥିବାବେଳେ ପୋଲିସ ଚଢ଼ାଉ କରି ବ୍ୟାପକ ପାଉଚ୍ ଜବତ କରିଛି ।
ଭିଡ଼ିଓ ସୌଜନ୍ୟ: ସମ୍ବାଦଦାତା, ବଲାଙ୍ଗୀର
ହିନ୍ଦୁସ୍ଥାନ ଲିବର୍ ଘରୋଇ କମ୍ପାନୀର ଲିଗାଲ ସେଲ୍ର କର୍ମଚାରୀ, କଣ୍ଟାବାଞ୍ଜି ପୋଲିସ ଓ ତହସିଲଦାରଙ୍କ ମିଳିତ ସହଯୋଗରେ ଏହି ଚଢାଉ ହୋଇଥିଲା । ସହରର ବିଭିନ୍ନ ଦୋକାନ ଓ ଗୋଦାମରେ ଚଢ଼ାଉ କରିଥିଲା ଏହି ଟିମ୍ । ଫଳରେ ବ୍ୟାପକ ପରିମାଣର ନକଲି ସାମ୍ପୁ ସାଙ୍ଗକୁ ଟୁଥ ପେଷ୍ଟ ମଧ୍ୟ ପୋଲିସ ଜବତ କରିଛି ।