ବଲାଙ୍ଗୀର: ଆଉ ଦିନ କେଇଟା ପରେ ପ୍ରଥମ ପର୍ଯ୍ୟାୟ ପଞ୍ଚାୟତ ନିର୍ବାଚନ ଭୋଟ ଗ୍ରହଣ ହେବ। ତେବେ ଏଥିପାଇଁ ବଲାଙ୍ଗୀର ପୋଲିସ ପ୍ରଶାସନ ବ୍ୟାପକ ପଦକ୍ଷେପ ନେଉଛି । ନିର୍ବାଚନକୁ ଶୃଙ୍ଖଳାରେ ଶେଷ କରିବା ସହିତ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ଜିଲ୍ଲାର ମାଓ ପ୍ରଭାବିତ ଅଞ୍ଚଳକୁ ନଜରରେ ରଖିବା ପାଇଁ ହୋଇଛି ଡ୍ରୋନର ବ୍ୟବସ୍ଥା । ଏ ନେଇ ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ବୋଲି ଜଣାପଡ଼ିଛି ।
ଆସନ୍ତା 16 ତାରିଖରେ ପ୍ରଥମ ପର୍ଯ୍ୟାୟରେ ହେବ ଭୋଟ ଗ୍ରହଣ । ତେବେ ଏଥିପାଇଁ ବଲାଙ୍ଗୀରରେ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି । ପୋଲିସ ପ୍ରଶାସନ ପକ୍ଷରୁ ସବୁଠି ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ସେହିପରି ବଲାଙ୍ଗୀର ଜିଲ୍ଲାର ମାଓ ପ୍ରଭାବିତ ଅଞ୍ଚଳରେ ମଧ୍ୟ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିବା ବେଳେ କମ୍ବିଂ ଓ ନାକାବନ୍ଦୀ ପୋଲିସ ଜାରି ରଖିଛି । ସେହିପରି ଭୋଟ ଗ୍ରହଣ ଦିନ ମାଓ ପ୍ରଭାବିତ ଅଞ୍ଚଳରେ ଡ୍ରୋନ ଦ୍ବାରା ସୁରକ୍ଷା ଉପରେ ନଜର ରଖିବା ବ୍ୟବସ୍ଥା କରିଛି ପୋଲିସ ।