ବଲାଙ୍ଗୀର: ୭୫ତମ ସ୍ବାଧୀନତା ଦିବସକୁ ଆଜାଦିର ଅମୃତ ମହୋତ୍ସବ (amrit mahotsab) ଭାବରେ ପାଳନ କରାଯାଉଛି। ଏହି ଅବସରରେ ଦେଶରେ ଥିବା ସମସ୍ତ ଗୋଳାବାରୁଦ କାରଖାନା ପରିସରରେ ଗତକାଲି ଠାରୁ ସାର୍ବଜନୀନ ଗୋଳାବାରୁଦ ଉତ୍ପାଦନ ଗୁଡିକର ପ୍ରଦର୍ଶନ କରାଯାଇଛି । ଏହି ଅବସରରେ ଗତକାଲି ବଲାଙ୍ଗୀରରେ ଗୋଳାବାରୁଦ ଉତ୍ପାଦନ ପ୍ରଦର୍ଶନୀ (Ammunition exhibition )କାର୍ଯ୍ୟକ୍ରମର ଉଦଘାଟନ କଲେ ରକ୍ଷାମନ୍ତ୍ରୀ । ଏହା ଆସନ୍ତା 19 ତାରିଖ ପର୍ଯ୍ୟନ୍ତ ଚାଲିବ । ଏନେଇ ଗତକାଲି ବଲାଙ୍ଗୀର ଜିଲ୍ଲା ସଇଁନ୍ତଳା ବ୍ଳକ ଗୋଳାବାରୁଦ କାରଖାନାରେ ମଧ୍ୟ ସମାନ ପ୍ରଦର୍ଶନୀ ଆରମ୍ଭ ହୋଇଥିବା ବେଳେ ଏହାକୁ ଭାରତ କେନ୍ଦ୍ର ରକ୍ଷା ମନ୍ତ୍ରୀ ରାଜନାଥ ସିଂ ଭିସି ଯୋଗେ ଉଦଘାଟନ କରିଛନ୍ତି। ବଡ଼ମାଳ ଗୋଳାବାରୁଦ କାରଖାନା ପରିସରରେ ଥିବା ଅଫିସର୍ସ କ୍ଳବରେ ଏହି ସାର୍ବଜନୀନ ପ୍ରଦର୍ଶନୀ ଅନୁଷ୍ଠିତ ହେଉଛି।
ବଲାଙ୍ଗୀରରେ ଗୋଳାବାରୁଦ ଉତ୍ପାଦନ ପ୍ରଦର୍ଶନୀ କାର୍ଯ୍ୟକ୍ରମର ଉଦଘାଟନ କଲେ ରକ୍ଷାମନ୍ତ୍ରୀ